BRO "Durmish Aslano"

Ambasadora ani Kosova, ry. Heleni Vakali vizitingya e may purani organizacia ‘Durmish Aslano’.

  • 01/02/2023
  • By Romano Avazo
Share
Grekiake Guvernipasko Generaluno Sekretari vash o Romengo Puqipe, r. Georgios Stamatis ano amalipe e Grekiaka Ambasadora ani Kosova, ry. Heleni Vakali vizitingya e may purani organizacia ‘Durmish Aslano’.
E vizita koya realizisali yekhatar pali vizita ki Prizrenoski Kupatni, sinela res te lel informacie phanglo e romencar thay e sukseseya vash penjaripe e romana qhibyako ano ofisiyaluno vastipe.
Desar e Grekyune reprezentyencar, khetane lencar sine vi e Kosovake Guvernipaski godideutni, ry. Elizabeth Gowing thay yekh romani juvli kotar e Grekia koya desar laka institucionaluna poziciatar, garavla e kultura mashkar o civiluno amalipe.
Pe lungipe e vizitako mothavdili e but bershuni buti e BRO Durmish Aslano, departamentya: Romano Teatro ‘Nexhip Menekshe’, Romengo Ogesko Kustikipe e purane gilencar thay folklorea thay o radio ‘Romano Avazo’ sar banduka kola garavde thay avansinde e romani kultura, qhib thay aver puqipya…
Konkludipe e arkahipesko sine, sasto khetanibutikeripe ano rafin e romana kulturako thay mediyengo, mashkar duy rashtre.