Bizo phuvyake produktya na ovla. Loke gatitisargyola,isiton saste a ulavipe ini o kompiri patlijani thay kali purum. Kali purum garavla leipe e phudesko!

Kali purum

Istoy vahtiljen penjardi sar habe thay medikamenti, feri so adikerla but manglje materiye. Ano 100 gramya purum araklola ini divuno mangipe kota vitamin C. Isiolje mahatne vitaminya sar A, B1,B 2, E, thay k. Kali purum istoy shukarni ini sar diuretic,a shukarno mothavdilo ini vash vazdipe e uqe pritisakoske thay saslaripe kota o tharipe .Pe lugipe e yevendune divenge ano vahti kota respiraturne infekciye may buderi vastingyola vash kohibe numay ini zoraljipe imunitetetsko.

Kompiri

Garavla energiya Sebepi e habasko kompiri perla ano may gende sheya. Sasavipeya keravdo te vastingyol kote isilje 85 kaloriye thay soy mahatno kay isile 22 mineralya.Maymahatne isito kaliyum, kova dela forca vash viloske muskulya sastren thay magneziyum. Numay te lepara kay adikerla ini vitamin C thay vitaminya kota grupa B kola lokyarna simtomya kota tharipe e poryenge thay aver orgayna. Vastineni keravdo thay peko kompiri kova isito may sasto.

Patlijani

Zorakarla imuniteti. Ini kay perla ano sezonalune frutya numay shay te araklon sa o frutya thay phuvyake produktya ano yevendune dive.Akava phuvyako produkti kova isito lolo adikerla hari kaloriye a shukarno isito vash o vilo,sasavipeya adikerla vitaminya sar A B1,B2,B6,K thay E. prekal, kaliyum mangan hrom thay bakar jip e magneziyum sastren fosfor thay likopen. Numay patlijanii isto but shukarno ini diuretic thay shuzharla organizmi a lelola numay dela azhutipe vash forcako imuniteti.