Sasavipeya isito baravalo e mineraleya thay vitaminenca C thay A numay ini B 12.Vash te cidel o shuvlipe ani roy vastineni magdanozi feri so isito angluno thavd.

Saslarne dena godi sar medikamenti mamuy gronica, nasvalipe kota o bubrekya, nasvalipe kota urinaruno drom, diyabetis, tharibe e akyengo, kana halatumen insekti thay yaver.

Pe adisuno dive o kulinarya maybuderi
vastinena vash shukarni aroma kote sakole habaske dela ulavdo dikhipe.

Magdanozi nanole uqo kaloriyako pharipe numay odoleske isito barvalo mineraleya thay vitamnca, magdanozeski patren, adikerla may buderi vitamin C.

Kana siyem ko mineralya te lepara kay may buderi isi ani drak, kalciyum, mangan, magneziyum, thay bakar.

Magdonezeski patren isito may shukarno te vastingyol ano taze leipe feri so isiole po shukarno kobaripe thay adikerla o mangle materiye.

O magdanozi na manglape te shukyol yase konzervimo te vastingyol.Sasavipeya o magdanozi isito shukarno vash cirkulaciako laqharipe, a ani yaver rig aqhavla infekciya kota e urina thay tasavla o mikropya.

Vash habe shay te vastinen shuko thay patren e magdanozeski numay ini kyki.

Vash shuvlipe thay tharipe e akyengo

Ano 300 millitrya pani 2-3 minutya keraveni duy roya mardo magdanozi thay kana shudrola te swzdrinen ani gaza,akale qayea helareni o akya but ver ano dive a akshamdan qhiven obloge.

Vash obloga manglape shov kashta magdanozi kote mayangleder isiton thovde qhiveni ano akya phaneni e gaza thay soveni.

Kana situm tharipe ani “urina”

Kareshtineni o kyki e magdanozesko patren thay ayeka bareshikareni sol duy.Keraveni ponj minutia ano kvasho litro pani palo keravipe mekheni 20 minutya te beshel sezdrineni thay piyeni po yek finjani, akava qay shay te del azhutipe ini e manushenge kola isiolen o pre shuvle.

Sar te saslakaren e anemiya?