Fastipe e 28 oktombresko, yekh e may mahatne selikane festendar, abersh sit e ovel may ulavdo thay bi bistardo vash e familia Erden Dibrës thay sar ini 21 familiya yaver ani Prizrenoski komuna thay pandar 6 yavera kotar o Shari e (eks Dragashesko).Akale historikune diveste, akala familie kola jivdinena ani phari socialuni jivdipaski kondicia, sit e hramingyol e historiake ini o leipe e naktaryengo e neve kherengo, hraminla e “GazetaePrizrenit.net”.

Familia Dibra kotar o Prizren, phenla kay na janla sar te mothavel o loshalipe kana dikhla kay uli e neve kherea, feri so o phurano kher kobar na aravdilo.”Vash amenge akava si kay nashti te mothavahole ano alavya”, phengya o sheruno e familiako Erdeni vash “GazetaePrizrenit.net”.

Ano ledipe e malipesko vash humanizmo “Jetimat e Ballkanit” thay Prizrenoski Komuna kerdile 20 khera, numay duy yavera vazdingya korkori e organizaciya ano lafi. O proyekto anglodikhlarla ini olengo mobilizipe. Ulavipe e naktaryengo sit e ovel sar phengyam ano suro e 20 Novembresko, ani yekh simbolikuni ceremoniya kova ajukergyola te adikergyol ano Kulturako Kher.

O direktori vash socialuno Shukarhalovipe, Dr. Fejzë Kabashi phengya kay vash akava e komuna investingya yekh fondi kotar 100 mile evrya, thay o vazdipe e keherengo ulo ano ledeipe e organizaciya “Jetimat e Ballkanit”,sar si e sistemesko o naktarya ano vasta.

Sar si pe leste, akala bersheste ano saastaripe sit e agoringyona 40 khera thay 26 kulmya. Te sine kay o atmesforikune kondiciye sit e oven shukar, odoya ver e gendoske shay te bereberingyon pandar yekh kher thay 5 kulmya, vash o sebepi kay akava mekolola e “Emerjentyuna “ kontrata.

Vijautne si kotar o Prizreno, palo odova e Hasesko thay Adrianesko regioni, thyv. /GazetaePrizrenit.net/