Samiti e romengo ano ritorigutno Ballkani kreirisalo pe bersh 2015., thay realizingyola kotar o Civil Right Defenders. Lesko res si te vazdel diskutipya phando antijipsizmoa, diskriminipeya thay e romenge hakayengo ushkavipea. Vi ayekha aver res e samitesko si te vazdel o informipe thay o janipe phando rashtrake obligaciencar vash te laqaren, respektinen thay te garaven e romengo shukaripe.

Ano akava samiti kedisale aktivistya vash o manushenge hakaya. Akala aktivistya si kotar o ratoriguntno Ballkani, Turkia thay Evropa kola kerna lafi ano kritikuni thay konstruktivuni forma vash o aktualune ovipya. Vi ayekha on analizinena o sfide thay na respektipe e romane hakayengo.

Akava bersh e pandemiako sepebi o Samiti e ratorigutno ballkaneske romengo adikergyola ani online platforma KUDO, pe datumya 18 thay 19 novembro. E tema e samiteski si o efekti e pandemiako Covid-19 pederal o roma, o implementipe e nacionaluna strategiako 2020.

Vi ayekha o samiti e bershesko 2020. Sile seminarya kay ka koncentringyon ano mareva vash o urgentno ovipya phando e krimyencar karshi o Roma, e rodlaripaski gazetaria thay zoralipe e romengo.

May penjarde aktivistya akale samitesko si: Romeo Franz kova si deputeti ano Europako parlamenti, Yucel Tutar kova si presidenti vash o romenge hakayengi asociacia ani Turkia, Avni Musta-direktori e Roma Versitasesko ani Kosova, Jeta Xhara sheruni redaktora ano Birn thay but aver zorale thay mahatne aktivistya vash o roma.