Sar  si  pe  ofisionalune,sar e  2000 bersheta  ji  pe  agor  e  chonesko septembro  2018 bersh    Kosova  importingya kota Srbia  habaske produktya thay na habaske   ano  kobaripe  5 miliarde eurya   ji  kay  kosovake  produktya  pe  akava them  pe  lungipe  akale periodesko  eksportinde produktya ano kobaripe  300 milionya eurya.

Ledeipe    mashkar  Kosova  thay  Srbia  vazdingona divesta    pe   dive, sasavipeya  bilaqipe e phiravipasko vash politikuno raporti mashkar akala duy thema.

Bazirimo  kota Agencia vash  kosovaki Statistika diklola  kay  pe   lungipe  e bershesko 2017 importi kota Srbia  resla  rekordi  sar  kota  agor  e  marebasko ji akana. Pe  lungipe   e  bershesko  srbyune kompanie ano amaro than eksportinde produktya  ano kobaripe  na po hari se 449 milionya eurya,ji  kay   pe  aver  rig kosovake  kompanie pe  akava  them  eksportinde produktya  ano  kobaripe  48 milionya eurya, kote  pe  lungipe  akale  bershesko   treguno deficit  sine 400 milionya eurya, may  baro ji akana.