Adive agorinla  ponj divuni kampanja  vash avrokrisyuno alosaripe ano shtar komune ani nurduni Kosovaka,koya ka adikergyol puranokurkon diveste.

Hako vash o vote isilen 58.520 kotor leutne,ano yaveripe kota 1.507 po buderi personya kola ka votuinen,ano dikhipe kota lokaluno alosaripe pe data 22 oktobro 2017.

Centraluni Komisia e Alosaripaski,ajukergyola te angazhinel  670 komisionerya ano 44 centrya e votuipaske ano sa o sa 87 votuipaske thana.Numay ajukergyola te phangyol rok vash akreditipe pedero dikhipe ano akala alosaripya.

Numay,avrokrisyune alosaripya ka adikergyon ano Leposaviq,Zubin Potok,Zveqane thay Nurduni Mitrovica palo cidipe e vastesko kota sherune  sebepi e taksako kota 100 procentya pedero  produktya kota Srbya decisimo kota Kosovako