Kedipe Kosovake presidentesko,Hashim Thaqi,thay Kosovaki negociaki Ekipa ano dialogi e Srbiya,Fatmir Limay thay Shpend Ahmeti,lunyako dive,dende klaripe vash situacia koya phangyola e dialogea ano Bruksel,ayeka kay dende nota vash politikuno evolviripe ano than .Numay,on isilen yaver dikhipe phando akala situacia thay pozicia karshi dialogea. Presidento Thaqi deklaringya kay negociaki Ekipa mekla yek “informaciako dokumento” kova astarla specifikuno suro diskutimo ano kuadro e agorutna dialogeska fazako.Pe aver rig,ofisionalune kota negociaki Ekipa vakerde kay lele yek “presidencialuno rapori vash themutni delegacia”kova “na sito dokumenti,kova isito dakordimo numay isito diskutimo e Brukselea”.

Politologi Ramush Tahiri, vakerla vash Tromali Evropa kay laqo rezultati pe akaya situacia isito kay akana ekzistinla yek institucionaluni kooperacia mashkar presidento e Koosvako,olesko ofiso thay negociaki Ekipa,kova lela savore kompetence vash dialogi thay kay isila phiko deipe ini presidentesko azhutipe.