Aktualune Nevipya

Atmosfera angledo dialog kedela politikuni retorika

  • 28/02/2019
  • By Romano Avazo
Share

 

Penjardo vash kosovako shayaripe Artan Muhajeri, deklaracia  e presidentoski Hashim  Thaqi,kay sito shayutno te reslol ji  pe   destabilizacia  ani Kosova,te sine kay na reslola agorutno,yase sah leipe kotor  e lekanipasko  e Srbiya,diklarla “sar  yek diplomatikuno  phardipe”.

“ledeipe mashkar Kosovo thay Srbiya, isito but kompleksime thay isilen baro dikhipe ano Balkani, sar ano pozitivuno ayeka ini negativuno aspekti.Ayeka kay ini  politikuno  pharipe  isito but baro. Isi shayipe te sine kay na reslola agorutno lekanipe,thay force kola isiton interesime vash destabilizacia,ano angluno rendo  dirigipe kota Rusiya,te vastinen  vakumii  thay negativuno   te diklargyon ano politikunu thay socialuno procesi”,vakergya Muhajeri vash Radio Tromali Evropa.

Phando e aktualuna situacia  ano  Kosovo,komadanti  e KFOR-esko Lorenco D’Adario (Lorenzo D’Adario)deklaringya  kay aktualuno na si indikasia  kote shay te avel ji  pe  incidenti,numay  kay “zoruni retorika” shay te anel   ji  pe   mashkar etnikuno incidenti ani Kosova.

“Sasavipeya  araklovava na shukarno  sebepi e deklaraciaya kota sol duy riga. Ayeka retorika shay te kedel atmosfera  kana may tikno incidenti shay te resel ano may baro. Amaro obligipe isito   te sigurina  yek ambienti  vash savore.Amen siyem penjarde kota  deklaracie kota sol duy riga thay vakeripeya e savorenca,e Srbyenca,thay Albanya. Amen siyem ano kontakti ano centraluno thay lokaluni  Koosvaki strukturta.But ver isimen treningya ano sa Koosvake kotora feri so manga te ova gatisarne”deklaringya  vash   beogradeski Politika D’Adario.

 

Agorutno kurko ini kosovaki ini  srbyuni stampa transmentime  avrutno spekulipe  numay ini lokalune haniga vash lekanipe kola may angleder achavde yase dende hrami pe lil kosovako thay srbyuno presidento Hashim Thaqi thay Aleksandar Vuciq.

Pe  akava konteksti,talosheruno kota Korkorodesipe Albin Kurti, akuzingya presidento  Thaqe  vash trego ani Koosva.

“Opcia vash Kosovo,koba mangeya.Kota 13 thavdya,e 16 thavdyenca,17 thavdyenca,e 22 thavdyenca!Feri so ayeka khardo kosovako presidento  thogya them ano”bikinipe”thay   vakerla kay karanluko”,hramingya Kurti.

Kurti akuzingya Thaqe kay mangela te ruminel Kosova ayeka kote shay te del yase bikinel kotor po kotor.

Yek ver Trepca,aver ver Gazivoda,yeke procentyeya KEK,Mitrovica te iranel ano Brcko,thay specialuno  status  ano 35,   ji kay pe 99 bersha. So odova mangla te phenel,sar Bosna,sar Palestina, yase sar Hong Kong?Yase so trin kethane.Numay pe agor  resla  penjaripe,vakerla Raipe thay  ulavdo ini ov,ayeka kay kay penjarel  odova so achola kota Kosovaki rig…Akala manusha na dikna  ini  vash biumlavipe”,hramingya Kurti.

Srbyuno presidento  Aleksandar Vuqic  frdingya spekulipe e avrune mediyengo kay isi  varesavo alosaripe yase lekanipe vash alosaripe kosovako-srbyuno ledeipe.

“Na si niso,feri so amen  na vakera.Save 17 thavdya,na si niyek thavd. Odola kola vakerna akava,on mangena te ulaven Srbiya ano 17 kotora.Ma mrzan,me ka ovav dikhat vash amri populacia ano Kosovo,numay na ka dav lafi  vash so god,ayeka kay aver dende buderi lafya, thay vahtilen  sa nashalde. Ka garava amare manushen,numay  te  da  te decisinen vash jivdipe”,deklaringya Vuciq.

Pe aver rig,yaveruno  ministri Enver Hojay, ano intervyu  vash austriyako Der Standard,deklaringya  kay pe angleder  kota o hrami pe lil  agorutno lekanipe e Srbiya,shay te ovel  mashkarselikani garanciya kay e Koosva ka ovel  som jeno e organizaciako OUN.

Numay,Bekim Colaku,deutno godi e presidentesko Hashim Thaqi,deklaringya kay lekanipe  vash koorijipe e samatrandako  te oven balansirimo, thay vakergya  kay eventualuno shaipe  e samatradako  shay te ovel  yek,sar andre  srbiya,ayeka ini andre Kosova.

KosovaLive- Violeta Oroshi Berishaj