Aktualune Nevipya

Bahtalo 7 Marso

  • 06/03/2020
  • By Romano Avazo
Share

Sakova bersh festingyola 7-to Marso-Sikavnengo Dive,kova pelakarla ani godi dive kana pe 7-to marso 1887,puterdilo ani Korca,ano dogripe Pandel Sotiri, Albanyuno selikano Siklipe. Sasavipeya akava dive pelarla pe godi ini amare penjarde  romane sikavne  rahmetliya  rayo Nejip Menekshe. O sikavno,prof.Nejip Menekshe sine angluno sar e 2011-to bershesta kova shrdingya te phiravel fakultativuno siklipe vash romani chib,kultura  thay romani  storia ani Prizrenoski diz.

“Laqooo  dive sikavneya, yek ,duy ,trin ,shtar, ponj……  Luniyako Dive,Marte dive,Tetradi dive,Shoyuno Dive, Parashtroy ,Savatone thay Kurko dive” , sine o lafya kay shungyona kotar o siklarne e duyto thay e trito klasatar e fundona skolake “Mustafa Bakiu” ano Prizren.

Bare pharipyencar vash na theripe e bukyake kondiciyengo startingya poro butikeripe sar sikavno e romana qhibyako pe 02 oktobro 2011 bersheste . Sar akale bershestar ano shtar fundone skole e Prizrenoska komunake shungyola ini sine e romani qhib sakova kurko pe duy siklipaske orya e siklarnenca  kotar o roma, ashkalie thay egipqanya .

Prof ,Menekshe , pe shrd e butikeripasko sar sikavno e romana qhibyako kergya buti e purana ABECEDA, kova genla sine 26 hramyenca koleya kergyola sine buti ani Kosovaki Republika.