Ani   anketa   kota   UNDP-I    thay   USAID,  koya   sine   pe   chon   septembro   akava  bersh,   mashkar 60% anketime   vakerde   kay   si    shansa   te   duryargyon   kota   Kosova   pe    trin  avutne bersha,tesine   kay   lelola   liberalizipe e vizako,  thay   te   araklol   ano harno   vahti   butikeripe  ano yek kotar  o Evropaka   Uniake  thana.(EU )

Anketime  Kosovake dizune   sar  vasno   sebepi   akale   decisipasko  vakerde   vash achavipe e perspektivako   thay   na calaripe    e politikuna situacia.

Sasavipeya    yek kota   may   baro   problemi    isito nabutikeripe   kolea   isito    pe   cekat  kosovako  amalipe, numay   sar   si   pe   ofisialuno  detaipe  niveli  e na  buktikeripasko  isito  pashe 30%.

Pe aver rig, ayeka  diso sar si   pe  ofisialuno  detaipe,  sakova  bersh   ano trego  e butikeripasko  rodena  mashkar 25 thay 30 mile dizune.

Vash te tiknaren  nabutikeripe,17 agencie vash butikeripe  lele   licenca  kota  Ministria e Bukyaki  numay  mashkarbutikeripe   sar ani Kosova   ayeka ini avri Kosovata.

Mimoza  Kciku,  deutnigod i vash  informipe  ani  Ministria  vash butikeripe thay sociali  angledo  harno  vahti  vkergya  vash  medie  kana sito o pucipe  vash butikeripe  ano Evropaka Uniake thana,akaya Ministria  shay te  resel somgodinipe vash sezonaluno butikeripe  e nesave thaneca kota Evropaki Unia  thay kay  ajukergyola   ji  pe  agor  bershesko te dengyol hrami pe lil  vash akava somgodinipe.

Pe sherd e chonesko novembro  angledo  Kulturako  Kher  ano Prizren  mile dizune  ajukerde rendo  vash te  len informacia,pakyavipa  kay pali aplikacia  te resen  te len  varesavo than e butikeripasko ani  Germaniya.

Kosovake medie dena janibe  kay  duy kompanie,yek germaniyaki “OBM Aviaton”thay   partnereski  kompania “BSB Aviation” registrimi ani Kosova,pashakarde dizutnenge 2,000 butikeripaske thana,sasavipeya  ani  sektori e aviaciako   ano aerodromi Frankfurt.

Numay,pasharipe  e ofertako, pe shrd e chonesko ano Prizren, interesime manusha kola sine olenge vakerdilo kay  manglola  ini saslaripaski phen(medicinska sestra)shoferya vash vrde (kamioni) thay butikerutne ano aerodrom,sar ini shuzharne,numay  manglape te ovelolen diploma  sar  ispati vash profesionaluno gatisaripe.

Sasavipeya olenge vakerdilo kay  aplikacia agorinla pe 5-to novembro.

Agencija “EkonomiyaSot”  ano mashkarovahti,    ano poro  onlin rodlaripe   resla kay  ovela buti e fiktivnaka firmaki,yase  shaipe kay dizune  kola aplicirna  te oven hovavde.

Sasavipea,akaya Agencia vakerla kay germanyuni Kompaniya O.B.M.”Aviaton” na sitoy  prezentyuni”,numay kay sitoy prezentyuni korkori olaki veb cham obm-aviation.com,pe kolate na si  registripasko gendo vash biznesi,kova sito but vasno  po kris e germaniyako.

Pe aver rodlaripe  akala veb chamyako,Agencia”EkonomiaSot” resla ji  pe  arakhipe kay OBM Aviation”isitoy  themelimi   pe yulo akale bersheste  thay kay palo late isitoy kompaniya “Gate Training GmbH”,seliya ano  Hamburg,koya lelape  mekhipa  e  ver verutne certivikatyengo  ano aviaciako sektori.

Odoleske  pe  akava rodlaripe  na  meklola numay  ternenge kota  Kosova   te  pashargyol  butikeripe ani Germania,numay ultimatumea  on ulavna  lovo  vash kursi  koya pashakarla akaya kompania,mumay  kay si  riziko  kay dizune  achon bizo lovo  thay  bizo acukerdi buti.

Sasavipeya  ano rodlaripaske rezultatya,diklola kay  kosovake dizune  pe agorutne 20 bersha  sine   centro hovaibasko kota agencia  vash butikeripe.

Aktualuno phiragyola procesi mamuy  deputeti Milaim Zeka thay olesko partneri Ilir Krasnici  kola lele lovo kota 900 Kosovarya  vash yaveripe  e bukyako ani Germania.

Numay,may  baro  kotor   e Kosovake   dizutnengo,   Germaniya  isitoy   destinacia  gendo.1   kote shay te arakhen  shuka    pokipeski buti.  Germaniaki   ambasada   ani  Prishtina   e kosovake    dizutnenge  vash korkore   shov   chona akale bersheske  mekla 5,515  butikeripaske   vize  numay  ini   vash  studipe,ji kay  pe  naklo   bersh  sine  sa  o sa 11,960 vize.

KosovaLive – Violeta Oroshi Berishaj