Aktualune Nevipya

BESHIPE KOTAR NVK VASH E ROMANI QHIB

  • 05/07/2022
  • By Romano Avazo
Share

E organizacia Nevo Koncepti ano Prizren adikergya beshipe e civilune malipeske organizacienca ano rami e proyektesko "Promovipe e Diversitetesko thay e Romana qhibyako ani Prizrenoski komuna" e resipeya vash avansipe e procesesko vash penjaripe e Romana qhibyako ano ofisialuno vastipe.

Resipe e proyektesko sito koordinipe thay khetani buti ano avokipeske thay lobiripeske aktivitetya ko lokalune institucie vash avansipe e romane komuniteteske hakayengo vash o hako e informipesko ani olengi qhib sar ini qalavipe e decisiake leipesko kotar o lokalune institucie e Prizrenoska komunako kay e romani qhib te ovel ano ofisialuno vastipe ani komuna.

Prekal akava proyekti angazhingola yekh eksperti vash Krisi thay formiringyola Koalicia Ad Hoc e organizaciengi e civilune malipesko e resipeya vash bayaripe thay vazdipe e decisiake leipesko ani Prizrenoski komuna.

Prekal o proyekti ka organizingyon vi avokipeske aktivitetya, medialune emisie, truyale meze thay ka dengyol mangipe ani komuna vash aprovipe e mangipesko vash penjaripe e Romana qhibyako ano ofisialuno vastipe ani Prizrenoski komuna. Proyekti phikoingyola kotar o Evropako Konsili thay implementingyola kotar e organizacia Nevo Koncepti.

Huazimo kotar Romtegra