Uci reprezenta Evropaka Uniyaki Federika Mogherini, leipe kotor ano kedipe e Selikane Siguripaske Koncilesko, pale vakergya kay Kosovo shay te cidel decispe e taksako ano inporti e srbyune thay bosnake malyengo thay, vakergya kay o stav sigate palo akava kharla sine nevi runda e diyalogeski mashkar Kosovo thay Srbiya. “Sar janena.Me personaluno lokyarava diyalog. Numay diyalog na perla mange.Evropaka Uniyake yase daykaske amenda pe akaya mes.Ov perla duy rigate. Pedero lende isito te reslol lekanipe, kova ovla konsiderimo vash sol dy riga. Ano yekhuno vahti sasavipeya lekanipe shay te ovel ano mashkarselikano dogripe thay te ovel phikodendo kota Siguripasko Koncili”deklaringya Mogerini. Pozicia kota phiravni ano srbyuno dilog e Kosovako ano Bruksel isito phikodendo kota deputeta e Evropake Parlamenteski Tanja Fayon,koya deklaringya kay Mogherini cacipa mangla te del agor e mandatesko yeke “pozitivuna historia”. “Isima pakyavipe vash Federika Mogherini.Janava kay diyalog mashkaro Srbiya thay Kosova isito but vasno na vash olake, numay ini vash Evropaki Uniya.O lafi isito vash buhlipe Ratorigune Balkanesko”,deklaringya Fayon. Pe aver rig,sheruno e Kosovako Ramush Haradinay, rodingya kay Kosovo-srbyuno diyalog Mogerini tena phanel e diyalogeske phiravipa,decisipa vash takse ano inporti e srbyune thay bosnake malyengo. “Diyalog isito frdimo kota koloseko buderi vahti angledo decisipe e taksako.Achavipe e transparenca,zoralipe kote shay te inkurayina propozipe vash yaveripe e teritoriyako,odova isito sebepi.Diyalog shay te irangyol,numay tena phangyol vash tarifa”,hramingya ano Twiter profil Haradinay. Reagingya ini srbyuno shefi e diplomaciako Ivica Dacic kova vakergya kay deklaracia kota Mogherini kay Siguripasko Koncili shay te verifikinel decisipe mashkar Prishtina thay Begrad,na mangla te phenel kay ka ovel yaveripe e negociyuna formatako. Ov vakergya kay nasi negocie thay kay Prishtina”piri platform shay te astrinel ano parlamentesko hodniko sar gazeta pedero barang(zido) yase andruno penjaripe”. Koosvo-srbyuno diyalog ano Bruksel isito blokirimo e chonesta novembro nakle bersheste,kana Kosovako raipe thogya e taksa pedero srbyuno thay bosnako mali,a kay kota akaya decisiya na cidingyona ini kota zorali presia kota Evropaki Uniya thay strategiyako partneri e Amerikae Yekhune Rashtrengo. Pe aver rig,Enver Hojay vakergya tesine kay decisia e taksaki anla ledeipe e Amerikake Yekhune Rashtrenca ano xero thavd,odoya ver ov shay te cidel vast kota poro stavi. Hojay ani televiziya Dukajini vakergya kay akava decipe khelagya lekanipe mashkar Kosovo thay Amerikake Yekhune Rashtre. Amen na thogem taksa e Amerikake.Kana amerikako Presidento hramingya duy lila yek tikne themeske sar sito Kosovo,amen na manglape te diskutina shay e taksa manglape te duryargyol yase na.Darava tesine kay Evropaki Uniya dela ultimatum avutna Srbiyake,odova na ka ovel bizo agor”,vakergya Hojay. Ov vakergya kay Kosovo shay te vastinel isitorikuno momenti,vash agorutno resipe e lekanipasko e Srbiya.

KosovaLive – Violeta Oroshi Berishaj