Manusha kotar may qalavde grupe ano malipe silen specifikune mangipya thay rodipya. Pharakerdo sistemi e socialune servisyengo ani Kosova buti ver na sito ani situacia te phiravel akava mangipe. Akava sito sebepi soske Save the Children Kosova kerela buti e lokalune raipeya thay biraipkane organizacienca te del shaipe vash lokho akcesi vash kvalitativune socialune servisya vash sah manusha kola jivdinena ano phare kondicie. Resipe akale ledeipesko sito te phikoinen e manushen ano socio-ekonimikuno riziko, o jene kay nakhavde e violenca pedral o juvla, violenca ani familia vay trafikipe, phure, qhavore thay o bare kola jivdinena e samatredime shaipyencar ani mangli rig.

Aktualune, bish licencime organizacie phikoingyona te den servisya vash komuniteti, sar si psiho-socialuno phikoipe; ergo terapia; fizioterapia; biumlavdo jivdipe; infermiyeria, korkoro azhutipe; thay phikoipe e kolegengo. Akava azhutipe laqharela na numay akcesi thay kvaliteti vash rezidencialune thay sakodivune dikhipeske servisya, leindoy kotor respodipe mamuy COVID-19, numay vi promovinla socializipe thay shukar jivdipe e vastunengo. Akana may buderi se 937 qhave thay 1,724 juvla thay mursha ano efta regionya ani Kosova reslile prekal akava phikoipe.

Prekal e talograntyengi skema, 46 organizacie astarde ano akava kontaktinde may but de 1,912 qhavore  thay 2,755 bare manushen kola jivdinena ano phare kondicie ani Kosova andar yekh bersh.

E Akcia ‘Zorakeripe e Deipesko e Socialune Servisyengo vash May Qalavde Grupe ani Kosova, ano respodipe mamuy COVID-19’ ano phanglipe e Save the Children Suedia thay financingyola kotar Ofisi e Evropaka Uniako ani Kosova.

Vash may buderi informacie vash shayutne socialune servisya ani Kosova, ruyjina tumen vizitineni e platforma: www.info-sherbimesociale.org