Deutne e socialune servisyengo siton sheruno phanglipe mashkar o qalavde komunitetya thay o them. Prekal olengi buti, socialune sevrisyenge deutne siton gatisarde te keren zorale phanglipya e personyencar thay familie kola silen mangipe. Akava sine but vasno ani pandemia COVID-19. Ano odova vahti, e rola e socialune sevrisyenge deutnengo bayrilo vash te sigurinen may shukarno akcesi ano servisya, vash te den godideipe ani distanca, thay te organizinen droma vash te lokhyaren o izolipe vash o sah qalavde, may buderi vash o manusha kola jivdinena ano qalavde kondicie.

Save the Children Kosova kerela buti e lokalune raipeya thay biraipkane organizacienge institucienca te laqharen o kvaliteti thay akcesi ano kherune servisya vash qhavore thay bare manusha kola silen mangipe ani Kosova. Akana, prekal saranda organizacie, may buderi se 695 qhave thay qhaya thay 1,145 juvla thay mursha kotar sah efta regionya ani Kosova vijainde kotar akava phikoipe. Akala phangle aktivitetya astarena familiarune centrime thay kulturalune sensitivune thay kompetentune kherune servisya; godideipe; mentaluno sastipe thay psiko-socialuno phikoipe; fizioterapiako phikoipe, logopedia; ergo terapia; thay servisya e reagipesko mamuy COVID-19.

Resipe akale aktivitetesko sito o may dur laqharipe e kvalitetesko e khereske thay kherune servisyengo; akcesi ano kvalitetune servisya e divune dikhipesko vash qhaya, qhave, juvla thay marusha kola silen mangipe thay vash te sigurinen savahtuno garavipe e qhavorengo thay bare manushengo kola silen mangipe. Akava reslilo prekal adekvatune servisya e angloaqhavipesko, intervenipe, thay referalune servisya.

Prekal e talograntyengi skema, 46 organizacie astarde ano akava kontaktinde may but de 1,912 qhavore  thay 2,755 bare manushen kola jivdinena ano phare kondicie ani Kosova andar yekh bersh.

E Akcia ‘Zorakeripe e Deipesko e Socialune Servisyengo vash May Qalavde Grupe ani Kosova, ano respodipe mamuy COVID-19’ ano phanglipe e Save the Children Suedia thay financingyola kotar Ofisi e Evropaka Uniako ani Kosova.

Vash may buderi informacie vash shayutne socialune servisya ani Kosova, ruyjina tumen vizitineni e platforma: www.info-sherbimesociale.org