Deputeti e PDK-ako ano Kosovako Sombershipe,Nait Hasani, vakergya kay adivesta isimen yek gatisarne askeryen vash te garaven Kosovako teritori. Ov ano “Dossier D” ano RTV Dukajini, vakergya kay Kosovake askerya na ka yaverinen kota yaver thana. Hasani vakergya kay rayonalune askerya na silen gendo but baro vash te oven aktivune,ayeka kay ano 6 mile aktivune askerya isiton bash dosta.

“Amare thaneske na maglape po buderi se 6 mile aktivune askerya,numay vash rezerivstya shay te ovel variacia gendoa akaboka koba isito manglo” vakergya ov. Deputeti e PDK-ako vakergya kay bibaht ini ano formiripe e askeriako diklola tendenca vash “bayrakarizam”ayeka sar sine ini pe angleder e albaynenca.

Vakergya ini vash agorutni debata vash samatranda,Hasani vakergya kay samatrande shay te ovelolen phiripe nesave metrya, numay politikuno truyal na mekla yek baro yaveripe. Deputeti Hasani vakerla vash na qalaripe dialogea e Srbia.

“E Srbiya shay te vakera vash laqharipe e ultimatumea vash srbyune dizune,isito absurdno te vakergyol e Srbiya vash Uymani,Trepqa yase ulavipe e Kosovako”.

Deputeti e PDK-ako vakergya kay ni Thaqi ni Limay na ovla te phiraven vakeripya”. Sherunemistreske deligirla konstitucia te phiravel e vakeripyenca ,ayeka kay nay ovla te kerel akava ni Thaqi ni Limay.

Vash andrune alosaripya e PDK-ake,Nait Hasani vakergya kay oleski res sine klaro kay PDK- shay te khuvel korkoro ano alosaripe a na koalicia. “isito po shukarno vash partia te ovelamen ano khelipe 110 kandidatya vash deputetya, feri so sakova olenda mobilizinla pere manushen” Ov vakergya ovla sine shuka te ovel mamuy kandidati vash sheruno e partiako,numay sar si pe leste pe qekat e Kadriya Veseli na sito loko.

“Manusha isilen dar te oven pe qekat e Kadriya Veseli.Numay me siyum te ovel mamuy kandidati thay te ovelole ov programi” vakergya mashkaro aver Nait Hasani.