Duy terne albanya kola margyona ani brutaluni forma ano Srbiaki diz Novi Sad, numay kay shundile so vakerde pe albanyuni qhib,penjargyola kay si kotar o Prizrenosko Hasesko regioni, yekh olendar Çlrim Maloku, kotar o gav Planeja, kova sine kerlay buti ano akaya diz, hraminla e“GazetaePrizrenit.net”.

Sar si pe sakodivuni gazeta” Danas” kotar e Voyvodina, duy terne albanya margyona pe buhlipe akale vikendesko, mashkar o savatone thay kurko dive, kolendar yekh lela phare trupyune maripya.

Penjargyola kay o qhavo kova lela may phare trupyune maripya si o Çlrim Kamber Maloku kotar e Planaya, kote ano trupyne maripya phagile olske o sheroske kokala thay thavdipe e ratesko ani godi. Ov operisalo ano Klinikuno Centro e Voyvodinako thay olesko jivdipe si ano riziko. Sar si pe KMDLNJ-a ano Prizreno ov sine jivdinla ano Prizrenoski mahala Arbana.

O terno e inicialyencar G.B ini ov, sile phare trupyune maripya, numay olesko jivdipe na si ano riziko, vakergyola ani deklarata e Albanyuna seliako ano Novi Sadi.

Yaveripea , ji kay kotar e ofisiyaluni Prishtina na si penjaripe varesave reagipesko, vash akaleske vakergya ini o srbyuno presidento, Aleksandar Vucic.Ov phengya kay rodla kotar o thanutne autoritetya te arakhen so may sig e jenen kola atakinde e duye ternen, fesi so sar si pe leste, e Srbiya na si yabano than, numay si sahastardo vash savore thay niyen nashti te atakinel dayke kaste numay te sine kay albani.

Konstantingyola o kopententyune organya e (Kosovake) kay si ani lindra feri so akava si krimi vash koleske manglape te dolpe jevapipe!” hramingya yekh ano facebuk.