Uncategorized

E anti-covid vaksinako semnipe

  • 05/06/2021
  • By Romano Avazo
Share

Ani emisia koya adikerdili irat pe data 4 yuni 2021 ano Radio ‘Romano Avazo’ e QKMF-eske Departamenteske sherune shefea – r. Eshref Krueziu dendile nesave mahatne informacie vash e vaksina anti Covid-19.

Kana kera komparacia e nakhle divencar, e aktualuni situacia e Covid-19 shay te phena kay si shukar, o gendo e pacientyengo si tikno. Inia kana siyem qalarne numay kana o gendo ka ovel zero odoyaver siyem te ova may qalarne.

Ov vakergya kay e vaksinipesko proceso thay o respektipe e masengo kotar e populacia si e sebeyendar kay e situacia si stabiluni.

E vaksina anti COVID-19 si but mahatni thay sakana kay lelape yekh sezonalune gripyengi vaksina, vi akaya manglape te lelpe feriso niyekh pandemia nashti nakhavdili bizo vaksine.

Sastipaski Ministria vash e Prizrenoski komuna ulavgya 8.200 vaksine, feri so o Prizren si o duyto may bari diz pali Prishtina.

E vaksina PFIZER sila nesave karakteristike kola yaverinenola kotar e vaksina Astra Zeneca thay aver versia e vaksinendar PFIZER, feri so odola vaksine manglape sine te beshen ano shudripe – 70 gradya, kova sitov but phare janindoy kay saday o Nacionaluno Sastipesko Instituti sile o baro duboko. O karakteristike akala vaksinake si kay palo bilavipe sila rok/vahti 30 dive vash te vastingyol. Akaleya kay amen mashkaro gendo e manushengo kola registringyona vash vaksinipe, bilava thay gatisera o vaksine thay mekhaolen ano frizhiderya.

O konspitativune informacie na valyani te pakyon. Buderi hovavne informacie mothavena kay o vaksine silen negativune efektya. Odova si hohavipe, e vaksina sila lokhe thay phare rigyune efektya. O lokhe efektya si: temperature thay gronice. A o phare efektya pandar nikase naney astarde. Inkurayina e dizutnen te puqen e manushen kola vaksinisale thay te len kan kay e vaksina si but normaluni.

O proceso e vaksinipesko jala shukar. E QKMF-esko stafi si organizimo thay o manusha shay te registringyon vash o vaksinipe ano duy qhandya: mashkari platforma E-Kosova thay fizikuni qhand, avinindoy ano sportelya/tende kola si ani Sportesko Centro ‘Sezai Surroi’.

Ana o rendo vash te vaksiningyon si ko manusha kola silen 65 bersha thay ji kana angyola deciziya kotar e Sastipeski Ministria ka shrdina te vaksinina vi e aver grupacien e aver bershencar.

O roma musay si te interesingyon vash o procesi e vaksinipesko, manglape te puqen thay te roden e manushen kola vaksinisale thay te na pakyan o konspiracie.

Vaksinipe si semno feri so e vaksina si yekh imitipe e virusesko kova qhivgyola ano organizmo thay kreiringyona antitrupe kola marnape e virusea te sine kay infektingyovena. Oy na mekhla kay o virusi te muqikarel thay te ruminal tumaro organizmo.

Musay siyen te garaven tumen! May angleder manglape te shrdinen korkore tumendar, palo odova tumara familia thay pe agor vi sah o amalipe manglape te respektinen o deciziye kotar e Sastipeski Ministria thay e Kosovako Nacionaluno Instituti.  

Eshref Krueziu - QKMF-eske Departamentesko Sherunoshefi