E KFOR-esko germanyuno Kontingenti ano Prizreno, palo phanipe e misiako ani akaya diz si te  todinel  e FSK-eske 44 soldatyune transpotyune vrde , beraber e nesave yavere sheyencar ano kampi yekh totaluno kobaripea kotar 33 mile evrya, hraminla adive e  “GazetaePrizrenit.net”.

Pe agor akale bershesko, palo yekh prezenca pash duy dekade ano Prizren , agorinla vastipe e Umaleske Kampesko kotar e rig e germanyune soldatyengo, kola piri misia phiravde ano kuadro e Garavdetraynipaske Trupyengo odova e NATO-sko.

O soldatyune autoritetya e grmanyune kontigentesko, penjarde kay o ministri e Kosovako Siguripasko Forcako, Rustem Berisha, rodingya kotar e Germanyuni Garavipaski  Federalnuni Ministrka,Ursula von der Leyen, todinipe e transportyune vrdyengo ano phikodeipe e efikasune vazdipesko e FSK-ako vash akanutni piri misia, ano akava suro vash I operaciya e civlyune garavipesko.

Mamuy e iklipesko kotar o Prizreno, o germanyuno Kontigenti si te aqol pale ano kuadro e KFOR-esko. Ano akava konteksi ano 2019-to bersh si te staciningyon ani Prishtina, truyal 70 germanyune soldatya. Ayekha kay e germaniya si te aqhol bi yevrimi ani lista e desh thanangi kola si may but reprezentune e soldatyencar ano kuadro e KFOR-eska misiako.

O komandatnti e KFOR-esko germanyune Kontigentesko, talokoloneli Eric Offermann, phengya ano centro amare godinipesko si te ovel avutno avansipe e FSK-ako.

O jiakanutno kampi kova vastingya o germanyuno KFOR-I, e yekhe  buhlipeske thanesko kotar 42 hektarya si planifikimo kay pe avipe te vastingyol sar “ Inivativuno thay siklipesko Parko”.  /GazetaePrizrenit.net/