Uncategorized

E Kosovaka Republikaki Policia phenla kay o alosaripasko proceso sitov sando

  • 14/02/2021
  • By Romano Avazo
Share

Kosovake dizutne siton votuipa ano anglovahtune parlamentarune alosaripya.


E Kosovaki Policia informinla kay o alosaripasko proceso ji akana nakhela sando, raportingya o avaz-deutno e policiako, Baki Kelani.


Kelani potencirinla kay ji akana inicisale duy surya, yekh ani Prishtina thay yekh ano Prizren.


“Kosovaki Policia ano ledeipe thay koordinipe e Rashtraka Prokuroria ji akana inicirime duy surya kola phangyona e alosaripaske proceseya. Sol duy surya, yekh kova ulo ani Prishtina thay yekh ano Prizren akhardile/anavisale “atentipe vash garaipe e votuipasko”. E prokuroryenge decisipa o surya procesisale e regularuna procedura”, phengya o Kelani.
Ov phengya kay e policia tretiringya sah o informacie kola sine phande e alosaripaske proceseya, vi ayekha on tretirime ini o surya kola na sinelen phandipe e alosaripaske proceseya.