Aktualune Nevipya

Grantya o lovenge kobaripeya kotar 1.500 euro vash o irande familie ani Prizrenoski Komuna

  • 12/02/2019
  • By Romano Avazo
Share

May hari se 10 familie e Prizrenoska Komunake si te vijainen phikodeipe e lovengo  e kobaripeya kotar 1.500 euro kotar yekh proyekto kova sile resipe te ashutinel e irande personynen  kotar akava kotor e thanesko, hraminla adive “GazetaePrizrenit.net”.

E Populaciaki Birova , e Interno nashle personyengo, thay e Migraciaki e Amarikake Rashtrake Departamentesko, upral olako partneriteti inplementyuno e Danezyengo Koncilesko  vash o Interno nashle manusha, janglargya o kharipe vash aplikipe vash o grantya e skemako Bereberuno Ruraluno Granti, ani Prizrenoski komuna.

Ano anglohramipe, iklola kay o proyekto sile resipe phikodeipe e propozipyengo vash agroekonomika/phuvyake bukya kola ashutinena e irande grupyenge thay akava vash te laqaren o ri-integripe odova socialuno thay ekonomikuno e irandengo.

O Grantya si ani dispoziciya vash te phikhoden o propozipya kola uqarna o argronomikune aktiviteteya. Vijautne si te oven may hari 10 familie, kote e maksimaluni suma vash o granti si 1.500 euro, mothavla “GazetaePrizrenit.net”.

O aplikaciye shay te dengyon vasteya ani individualuni forma numay iini bereberuni sar (grupa). Skema e grantyengo si te phikodengyol may hari se 70% e irandengo, kola irandile kotar o bersh 2010 thay may dur.

Akale lovencar dikhlargyola  kinipe e semengo vash o emishya thay frutya, kinipe varesava makineriako thay varesave haletya e bukyake ani baza e kriteryengo vash alosaripe.

O personya sar bigaravde jene ,  umlavdo o juvla, perosnya invalidya thay o terne siton kotar o priorutarune kriterya kola shay te vijainen o granti. Rok e deipevasteya e aplikaciengo si ji 26.Februaro 2019. /GazetaePrizrenit.net/