Sherunoministri e Kosovako Ramush Haradinay,ano intervyu vash Syri.net, vakergya kay pe agorutno kurko na sinole  niyek arakhipe e  Kosovake presidentea Hashim Thaqi,numay na achavgya shayipe kay olesko Raipe te perel  vash “yek kurko”.

Ledeipe mashkar  sherunoministri thay presidento sine bi lache, sebepi  ver verutne stavesko ano phanipe  dialogea  e Srbiya,numay ini decisia e kosovake Raipesko  ano phiravipe e taksako kota 100% ano inporti  e srbyune thay bosnako mali, feri so isito chonenca ano statusi.

Sar  pe odoya ver,ofisionalune  kota Beograd  vash phiravipe e diayalogesko ano Brisel dela kriteriyum  vash achavipe e decisiako vash takse.

Uzal tensia EU thay Yekhune Amerikake Rashtre kay e taksa shay te achagyol,yase suspendingyol  ini pe ulavdo vahti,sherunoministri Haradinay na duryardilo kota decisipe vash ni yek hademi,dikhipa kay ovela  vash reciprociteti kota Srbiya,thay kay angledo achavipe e taksako, Srbiya shay te penjarel Kosova sar  biumlavldo them.

Agorutno penjaripe kota amerikaki ambasada ani Prishtina, pe kolate  isito dikhipe vash cidipe e decisiako vash takse  pedero srbyuno thay bosnako mali,ano res kota phiravipe e diyalogesko Srbiya,kova isito interesi Yekhune Amerikae Rashtre,sigyargya Sheruneministre Haradinay  te bichalel  yek lil e thanutne reprezentyenge KVINT thay EU kana ini deklaringya ultimatum  pe kolate Raipe shay te suspendinel decisipe pedero takse.

Pe angluno thavd rodingyola kay Yekhune Amerikake Rashtre thay Evropaki Uniya te len praktikune hademya  vash shrdipe,  thay phikodeipe mashkarthemutna konferenciako, pe kolate shay te reslol sah leipe kotor  thay krisyuno obligativuno ledeipe mashkar Kosovo thay Srbiya, vash alosaripe e savore na alosarde pucipya mashkaro duy thana.

Konferenciya,sar  si  pe  Haradinay  shay te lungyol 14 dive,thay organizipe ovla sine odoya ver kana phergyona manglo ultimatum diklardo pe  akava lil,sar e(2) duyto pe(5)  ponjto thavd.

Pe duyto thavd rodingyola kay Yekhune Amerikae Rashtre thay Evropaki Uniya, publikuno te den lafi thay garanciya kay ani Konferenca  na ka angyol decisia  vash varesavo yaveripe kota Kosovaki samatrada,ulavipe e Kosovako,deipe kompenteca ekzekutivune amalipasko e srbyune komunenge yase te ovel varesavo lekanipe ano mamuyipe  e Kosovaka Konstitucia bazirimo ani angluni koncesia vash biumlavipasko  janglaripe,17.februaro 2008.bersheste.

Kota Evropaki Unia rodingyola deipe e lafesko thay garanciya kay angledo shrdipe e mashkarthemutna konferenciyako kosovake dizune  te len liberalizipe e vizako thay kay ka imlementinel ledeipe  vash  resti energiya  ano Brisel.

Sasavipeya rodingyola  duryaripe  avri carinaki bariyera vash malya,na krisyuni samatrada ano trego thay  servisi,numay ini vash  tromalo phiripe e manushengo kota Kosova ani Srbiya.

Ano ponjto thavd vakergyola kay presidento,thay sherunominiustri yase Srbyuno  ministry e avrune bukyenge, manglape publikuno te vakerel  kay isiton achavde sa politike  yase akciye dogrime mamuy  aspiraciya e Kosovaki sar sovranyuno them,sar ano lokaluno ,regionaluno yase mashkarthemutno niveli.

Pe lungipe adisune  Raipyune kedipesko,sherunoministri e zhurnalistyenge dengya pe janipe kay na lela pe konsideripe te sine kay nesavenge kerla bangipe ultimatum kova ov hramingya ano lil kova bichalgya e thanutne reprezentyenge KVINT-EU ani Kosova.

“Savore kola isilen  andruno thay avruno problemi akale rodlaripa,isito mamuy  vash amaro hako.Na pakyava  kay Yekhune Amerikake Rashtre  isilen akalea problemi,numay sakova aver ko isile,odoya ver jangyola ano kova ledipe khuva,vakergya Haradinay.

Sherune kota kosovaki negociaki ekipa,Shpend Ahmeti, thay Fatmir Limay,pe lungipe adisune divesko shay  te arakhenpe ano Brisel e Uca ekipa reprezenta EU Federika Mogerini,numay sar korkore vakerde,na janena so ka ovel vakeripaski  tema.

Ano mashkar e  vahtesko,Koha Ditore dela  pe  janipe  kay  Kosovako presidento Hashim Thaqi isito mamuy   idea  kota Hardinay  vash organizipe e mashkarthemutna konferenciyako  pe kolate reslola sah leipe kotor  e  obligativune   ledeipasko vash Kosovo thay Srbiya.

KosovaLive – Violeta Oroshi Berishaj

Vash Radio Avazo -Vera Galush Pacaku