Aktualune Nevipya

Haskuka: Isito vahti vash yaveripe.

  • 07/10/2019
  • By Romano Avazo
Share

Mytaher Haskuka,  sheruno e Prizrenoska Komunako kota partia Vetvendosye vakergya kay on ajukerde uce rezultatya akala partiako ani akaya diz.

Haskuka ani intervista vash Klan Kosova kergya nays savore dizunen kola votinde akava subyekti.

“Amen ajukergyem  amaro vijaipe ini ano Prizren ini ani Kosova,sar si  pe  amare komisionerya kola bichalde rezultatya   pe  ora 11:00 amen konstatingyem kay isimen 28 % e votyengo ano Prizren na janava soske na khuvde pana ano KQZ”.

Haskuka  vakergya kay ani akaya komuna pe lungipe  ijune divesko,kota komisionerya VV isiton raportime 5 sure bizo regulipe.

“Shay sine  nesave problemya  ini ano nesave gava ani komuna,numay procesi e votuipasko  sine shuka,pakyava  kay akava konfirminla kay dizune dende pakyavipe  Vetvendoske”.

Ov vakergya  ini vash nesave proyektya akala komunake  kola ajukergyona te realizingyon.