Uncategorized

Haskuka : Romani chib isito Prizrenosko barvalipe

  • 17/10/2018
  • By Romano Avazo
Share

Ijune diveste pe data 16.10.2018, ano radio “Romano Avazo” sar misafiri pe angluni ver sine Sheruno Mytaher Haskuka thay yek baro respekto dengya vash Romano komuniteti,kote sine kotor e debatako phando e tema :”Lokaluni Politika vash Romani Chib”.

Uzal pozitivune komentya kola dengya, Haskuka vakergya

”Janava kay akava lokaluno radio shungyola buderi ano Prizren,thay kerava nays tumenge vash profesionaluni buti”.

Sasavipeya kerava tumenge nays vash shaipe e vakeripesko phando vash komunitetyengo suro. Haskuka calagya buderi aver sure vash komiunitetya missal, vash na aplikipe ano konkursi kola janglarla komuna,Edukipe,Avutne proyekta thay Romani Chib. Yek kota agorutni iniciativa kota Romano komuniteti sine Romani Chib vash ofisi sar tradicionaluni chib. Haskuka mothagya buderi modest thay interesipe kota olesko azhutipe pe akava suro,thay vakergya klaro vash shaipe kay akava procesi te jal angle.

“Vash mange, Prizren isile shtar ofisionalune chibya thay pana yek chib ka ovel but shuka vash reklama e Prizrenoski sar multietniku thay multikuturaki diz kote shay te ovel barvalipe. Diversiteti kova sile Prizren shay te adikera thay te garava,pe akava diversiteti khuvla ini Romani Chib sar barvalipe. Kedipe kova sinemen amen potecingyem kay siyem limitime e stafea thay bujeti.Momentalno isimen 330 civilyune butikerutnen,ano momenti kana amen roda yek butikerutne shay te kera mangipe ani Ministria vash Financie,thay Ministria e Administraki ,vash te aprovina manglin te ovelamen butikerutno.Ayeka kay na sito ano vasta e komunake te lel manushen vash butikeripe. Ani komuna prezentyune isiton 3 rinchibarne,(perkthys)kola irana sakova regularuno aktiviteti yase aver,thay pe agor sinemen kritika kay pe boshnjakuni chib na sine rinchibarne ano manglo niveli. Kana vakera vash Romani Chib oy rodingyola te ovel tradicionaluni,thay na pakyava kay manglape varesavo aver bujeti,numay te rinchibaren korkore nesave dokumentya kola siton vasne,vash kolenge vakergyen gatisaripe tumen sar civilyuno amalipe,numay yek mashkar akava suro isito kay tumen te pashakaren azhutipe,numay ano ulavdo vahti thay vash dokumentya na sito siguripa koba shay te phiragyol. Vash rinchibar e ofisionalune dokumentyengo manglape te dengol godorvalipe. Me tumenge bichalava buderi hako,te sine kay rodingyola te irana savore krisya,odoya ver regulipya isiton problematika. Te sine kay odola Tradicionalune, missal kana manush rodela varesavo dokumenti thay aceptinla pe odova yase diso aver,ayeka kay akava procesi na mekla komuna ani pozita te na pherel kris. Me personaluno gndinava kay na ka ovel problemi ini kota savore politikune partie ano Prizren,savore partie ano Prizren, isiton janiba kay Romani Chib isitoy barvalipe vash Prizren,isitoy barvali kay isila Radio,Romano Teatro,Fakultativuno siklipe pe Romani Chib,thay buderi amalipya kota Romano komuniteti."

vakergya Prof.Dr.Mythaer Haskuka-Sheruno e Prizrenoska Komunako vash radio “Romano Avazo”.