Mashkarselikano dive e terngo aprovingola yek rezulta kotar e asambleya thay OKB, ano bersh 1999, kava dive te festungiol vi ani Kosova kotar o terne phikondendo kotar deprtamenti e terngo “MKRS”.

Sheruno grupako Deputetengo pe cekat Agon Butusha, mutavde pere ververutne ideye kote te involvinen buderi organizaciye kotar civiluno amalipe tali lengi omberla.

Kote adive dende informipe vash o terne kotar yek na formaluni grupa terne deputetyengi aprovisale sar, Grupa terne deputetyengi ani Kosova, kote yekto ver kerde buti ano yek plani thay funksonipe vash amalipe kote pretendinena te pashlon ano sa teritori e Republikaka Kosovako

Ano kava ovipe sine vi sheruno Ministri Albin Kuriti, thay Saranda Bogujevci, bahtakerde mashkarselikano dive e terngo, numay ano kava ovipe lela kotor vi taliministra Kultraki terngi thay sporti Daluina Osmani, kote vakarga vash o terne talentya ano sporti thay arti, kote decisimi e Kosova ani harta suksesune rashtrenge.

Kote ano kava ovipe, putardili vi panairi e inciativa ternegi e Republikaka Kosovako, kote buderi organizacie ternge kedime pere aktivitetya thay prezantime angelder kotorleutne vash piri buti ano agurne bersha