Aktualune Nevipya
IKSHPK- 71 jene infektime taro koronavirus
- 25/03/2020
- By Romano Avazo
Share
Avdive pandar 8 aver surya e COVID-19 registrisale ani Kosova.
Akana o gendo e infektime manushengo taro coronavirus resto pe eftavareshuyekh (71).
Avdive pe data 25.03.2020 ano Mikrobiologiako Laboratori ano IKSHPK mashkar e metoda RT-PCR testisale pandar triandushtar (34) mostre.
Akale mostrendar vash o testipe SARS-CoV, ofto (8) e mostrendar ikliste pozitivune.
Akala konfirmime surya si kontakya e aver 4 suryenge taro gav Domanek- Malisheva, 3 surya tari Prishtina thay 1 suro kotar gav Studime-Vushtria.
E datendar 08.02.2020 ji pe data 25.03.2020 ano Mikrobiologiako Laboratori kerdilo testipe sahsah 766 monstre kolendar 71 surya ikliste pozitivune thay sinemen 1 suro e meribasko, phuro kova sinele 82 bersh.
IKSHPK- phenla kay sah o kontakya akala persoynenge thay vi olenge kontaktengere kontaktya musay si te beshen khere thay te korkoreizolingyon vash te na baryaren o gendo e infektimo jenenengo ani Kosova.
