Pali  rovlarin  e Srbyuna Listako  decisipe  kota Centraluni Alosaripaski Komisiya, koya na certifikingya kandidatyen vash  sherune  kota shtar  komune ani  Nurduni Kosova, vash kotor leipe ano avrirendune alosaripya, kola shay te adikergyon 19.mayo,komisia vash rovlarin dengya  car (yeshil) dudi akale kandidatynege vash te khelen ano alosaripe.

Numay, ano suro  kota somjene e Centraluni  Alosaripaski Komisiya, agorutno somkerdo, na dende manglo gendo e avazoso  ayeka kay o kandidati e srbyuna listako  lela hako  ano kotor leipe vash avrorendune alosaripya,feri so duy som jene akala Komisiyake kota  Korkorodecispe,sine abstenime.

Centraluni Alosaripaski Komisiya  shay te ovelola 11 som jene,  numay presidento  e Kosovako Hashim Thaqi, anavingya korkore 9 som jene. Sebepi akalesko isito so  na si  lekanipe andre raipyuni koalicia,feri so  nay te dakordingyon koya politikuni partiya  ka prezentinel akaya koalicia.

Pe  angluni decisia e centraluna komisiyake reagingya germanyuno ambasadori ani Prishtina Kristian Helt.

“ Pana bi dendo nota ano krisyuno aspekti akale decisipasko pe  akava vahti, cacek shay te puclovav shay   isito ayeka  politikuno bajako godovarno.Sakana  kay o sheya na siton  komlikime.  Thay soske Centraluni Alosaripaski Komisia na sitoy  ano pherdo  somkeribe?”,hramingya Helt ano Tviter.

Numay,vash te certifikingyol kandidatura vash kotor leipe ano alosaripya shay  te votuinen   po buderi duy somjene, so ano konkretipe shay te phenel  kay sebepi  abstenime votyengo   kota korkorodecispe  sine achavdo yek avazo,ayeka kay centraluni alosaripaski komisia  pe angleder na sine shayutni te anel pozitivuno decisipe.

Ini kay sheruni e Centraluna Alosaripaska Komisiaki  Valdete  Daka decisipe vash certifikipe e kandidatyengo Srbyuna listako  informingya  ini averen som jene e Komisiyake, koya isitoy obligimi  feri so ande ola kota Komisia vash Rovlarin, Adnan Rustemi reprezenti  Korkodesipe deklaringya  kay  trin kota shtar kandidatya Srbyuna listako vash sherune”nashalde  konstituciako thay krisyuno hako vash te len kotor ano akala alosaripya”.

Kosovake analiticarya na ajukerna kay Centraluni Alosaripaski Komisia te del rovlarin  pederi decisia  e Komisiaki vash  rovlarin ,koya angya pozitivuno decisipe vash certifikipe kandidatyengo e Srbyuna listako vash kotor leipe ano alosaripya vash sherune e shtar komunake ani   nurduni  Kosova.

19.mayo,ano alosaripe vash sherune  shtar komunake ani nurduni Kosova  kota buderune srbya,pashe srbyuna listako,khelena ini kandidatya Demokrativuna kosovaka partiyake thay Korkorodecisipe.

Numay,sherune akala shtar komunake  cidinde vast ano chon novembro nakle bersheste,fei so kosovako raipe   anglodiklargya taksa  kota 100 procentya ano importi  e malyengo kota e Srbiya.

KosovaLive- Violeta Oroshi Berishaj