Ani Kosova, vakergyola kay sakova dive indetifikingyona personya  kola isiton calavde  kota ver verutne phare nasvapya ,thay kola phare saslargyola.

Te sine kay pana na jangyola sebepi  vash nasvalipe,tikno isito  suro kova isile saslaripe sar e nasvalipa kota kanceri.Numay ,aver isito  e profesionalune nasvalipa  kova akana  isito hari yase but janipa.

Ini kay isi ver verutne nasvalipya,Kosova na sila pana yek lista e profesionalune  nasvalipa,lista  koya identifikinla nasvalipe kola calagyona  butikerutne ani ver verutni publikuni  thay privatyunii  institucia.

Yaveruno ministry  e Ministriako  vash sastipe,Rustem Musa, ano yek prononcipe vash Telegraf,vakergya kay Sastipaski Ministria  gatisargya lista vash    profesionaluno nasvalipe.

Sar  si  pe  leste  korkori dilemma akana isitoy kay akaya lista te del hrami pe lil ministri e Ministriako vash Sastipe,Uran Ismaili,yase te dengyol ano Raipe.

“ Lista  e profesionalune nasvalipa  agoringya.Akana gndinava shay te del hrami pe lil akaya lista Ministri e Sastipasko,yase  te bichala direktno ano Raipe. Lista na sila bujeti,vash akava sebepi siyem ani dilema sar te bichala  ano Raipe.Sebepi soske  na anglodiklargyem bujeti,kay pana na jana koba personya isiton calavde kota profesionaluno nasvalipe”,vakergya ov.

Musa vakergya kay ovla sine shuka kay akaya lista te del hrami pe lil  Kosovako Raipe