Shoyuno dive adikerdilo pandar yekh maladipe ano ofisi e BRO "Durmish Aslano", kote arakhlona may buderi argumentya kay e romani qhib vakerdili, vakergyola thay si te vakergyol ani Prizrenoski Komuna.

Kupatnako kotorleutno kotar e Partia GUXO, r. Petrit Hoxhaj, arakhlape e reprezentyencar kola phiravena e inciativa kay e romani qhib te penjargyol sar qhib ano ofisiyaluno vastipe ani Prizrenoski Komuna.

Yekh mahatno mesazhi biqhaldilo vi kotar o sheruno e partiako Guxo ano Prizren, r. Haxhi Avdyli, kova vi ov phikoinela amari inciativa thay si palal amende vash sasavo phikoipe.

"Ano moro anav thay Guxo partiako anav ano Prizren, dengyum phikoipe vash o rodlarina kay silen e lokalune thay centralune niveleske raipyenge. Kotor e diskuciako sine vi e rodlarin vash e romani qhib te penjargyol sar qhib ano ofisiyaluno vastipe ani Prizrenoski Komuna. Akaya inciativa lelili anglal but bersha thay akana shrdinde vi ano ofisiyalune forme", phenla o Hoxhaj ano poro postipe ano facebook.

Desar akalestar o r. Hoxhaj dikhla o radio, posterya e romane dramenge thay e romani minibiblioteka.