Sheruno e Vetvendosyako, yekver kandidati vash sherunoministri, Albin Kurti, ajukergya ano arakhipe themutna delegacia kotar I Finlanda, phiravdo kotar Avrune Bukyengo e Finlandako, Pekka Haavisto.

Pe akava kedipe vakerdilo  truyal dialogi e Serbiya, mamuy kova kergya e Vetvendosya ulavipe e Kosovako.

Albin Kurti, vakergya kay o dialogu musay isitov te repektinel trin ovipya: 1.Na manglape te ovel ledeyipe bizo dialogi 2. Dialogi te orientinghyola truyal o hako e dizutnengo a na ulavipe Kosovako thay 3. Na dialog e hartencar, na presidentya e duy themenge, numay ekpertya.