MASHT-eske thay SBASHK-oske Kontradiktyune deklaracie kreirinde naklarifikipe ko dadalarya thay qhavore phando e adikeripa e siklipaske proceseske.

MASHT-i kergya kharipe e sah e Sikavnenge thay e siklipaske butikerutnenge kay avdive, 5 septembri te irangyon ko butikeripe shrdipeya e nevo skolako bersh.

Numay o SBASHK decizime te na ciden vast kotar e greva. Sheruno e akala sindikatako, Rrahman Jasharaj aratike deklaringya kay e grava ano skoluipe ka lugyargyel vi avdive.

“MASHT manglape sine te kerel impakti ko raipe vash o dialogi. Amen sinemen pakyiv kotar o maladipe e presidenta”, phenla Jasharaj.

Mashkaro Jasharaj o prezentimo pako kotar o sherunoministri Kurti thay ministri Hekuran Murati na pherla lengoro rodlaripe.

Yekhe dromeya ov rodingya te na keren presia e sikavnenge. Thay bi dikhlo e presia leskere kolegya na ka ka reaginen vash te aqhaven e greva.

Sar dikhyola e greva avdive na ka respektinel saday e Poduyevaki Komuna feriso rayingyola kotar e LVV. Siklipasko direktori ani komuna, Avni Fetahu informingya kay avdive ka shrdel e siklipasko procesi.