Na  jevapyuno shoferi evolviringya herzipe ji pe 120 kilometrya ani ora,ini kay  odote  diklola korkore 50 km.

Mehmet Thaçi,vakergya vash gazeta “Kosova Sot” kay akava drom  motavla  kay khuvipe ano gav Landovica ji  pe  iklipe isi   trin  trake.Numay,duy olenda isiton ano dogripe  Jakova-Prizren,kote buderi shoferya evolvirina hrzipe,kote rezikina  jivdipe e dizutnengo.

Dizune kota Landovica  palo mareba  organizime but ver protesta  sebepi e rayonaluna deponiako  thay ziani kola akana akala dizune  isilen kota odoya deponia.

Numay,akana ponj bersha  on siton pe qekat  yeke aver phare problemeya, magistraluno drom kova giriqinla pashe akale gaveske.Ovena buderi bibahtake ani komunikacia.Odote shoferya bizo jevavipe evolvirina hrzipe but baro jip e 120km ani ora,ini kay  odote diklardilo korkore 50km.Numay ,akana akava segmenti  yaveringyola  ano segmenti e meribasko.Ayeka isi but bibahtake ji  pe  yaveripe  e jivdipasko.Buderi dizune ano gav,sar:Kuytim Morina,Mehmet Thaqi, Hilmi Kalimashi thay but aver kola rovena ani neglizhenca e komunaluni ofiseski  koya na lela masa vash te aqhavel buderuno aksidenti  kova ovela pea kava drom,isi suro kay dizuno nashalgya jivdipe ini kota na dikat  e shoferengo,kola kota olengi vrda lena  jivdipe yeke personesko kova na sile bangipe.