Aktualune Nevipya

Mashkarutno skoluipe pe lungipe e bershesko 2018 na phiravde mashkar 4,200 siklarne

  • 13/11/2018
  • By Romano Avazo
Share

Ano amaro than,ano andripe akale  bersheske mashkar 4,200 siklarne  na phiravna  mashkarutni skola.Sociologya   leparna yek sera vash o sebepi akale bare gendosko e siklarnengo kola na phiravna skoluipe.

Uci mashkarutni skola, sar   si  pe  kris na sitoy obligativuni.Akava  isito kay ini  gendo  e  siklarnengo, te  telargyol   leipe  pe  dikhipe   o registripe  ano  fundone skole.

Sar  si  pe  statistika  kota  SMIA,ano  kuadro e Ministriako  vash Edukipe  generacia  2009/2010 registringya  yekto klasa e 32,147 siklarnenca.

Numay  akava bersh,kota akaya generacia mashkar4.200 na phiravde uco mashkarutno  skoluipe .

Sar  si  pe   sociologi,Besim Gallopeni,uzal sebepi kay skoluipe  odova mashkarutno na sito obligativuno,lepargya  ini  aver missal  kova shay te  thavdel  vash telaripe e skoluipasko.

“Yek olenda  shay te ovel ini  socio-ekonomikuni situcia, kote terne shay te  roden  yek  bukyako than so may sig,cidna vast  kota skoluipe ayeka kay olenge bersha  na sito adekuatne vash  buti.

Aver sebepi  shay te ovel emigracia  kova may buderi  calavla terne,numay  aver sebepi ,kova sito may ulavdo vash mange nataliteti”vakergya sociologi Besim Golopeni.

.