Aktualune Nevipya
NA O ROMA, NUMAY E ROMANI INICIATIVA!
- 17/03/2021
- By Romano Avazo
Angle nesave minutya e medialuni informaciaki platforma Indeksi Online mashkari yekh titula hraminla: Romet japin sinjale negative per Kurtin, qhivla sah e Kosovake romen ano yekh ravalo.
Ini seske ano andripe e informaciako hraminla e partiako anav thay e sherunesko akala partiako kova sine ano kedibe e Albin Kurtea thay e Vjosa Osmani, akava portali palem qhivla e romen ani yekh bi- laqhinsituacia mashkaro titula kote portretizinena e romen kay si mamuy e Raipaske Kurti ll.
Manglape te jangyol kay e LPRK, Kosovake Romanengi Anglipaski Phiravlin, konkretno lako sheruno o Erxhan Galushi erat akseptingya thay deklaringya vash o medie kay ov si pro e Raipasko Kurti ll.
Akava si yekh bi- laqho sinyali vash o roma kote ajukeegyona te atakingyon te sine kay na lepargyona o Partienge thay lenge sherunenge anava.