Srbyuno presidento,Aleksandar Vuqic akana na sile ultimatum vash cidipe e taksako kota 100 procentya vash te phiravel dialogi ano Bruksel,ini kay  e kosovake homologeya vash akava sebepi na araklile po buderi se shtar chona.Oleske akana iklola  bangipe Kosovaki   platforma vash vakeripya.

Pe aver rig,negiciatorya ani Prishtina vakerna  kay e agorutna deklaracia kota Vuqic isitoy diklardi  kay na phikoinla dialog  thay vastinla vash oleski poltikuni res.

Srbyuno presidento,Aleksandar Vuqic,na sile kriteriyum vash phiravipe e diyalogesko korkoro cidipe e taksako kota 100% pedero srbyuno thay boshnjakuno mali,numay akana  oleske na pherla e ayk ini platform e negociaka ekipaki,inplementimo  yek kurko pe angleder ano Kosovako Sombershipe.

Vuqic dive pe angleder dengya  phari akuza  pedero kosovake somjene,kote vakergya kay ultimatum kova anglodiklargyoola ani platforma isito na klaryuno,ayeka kay Srbiya isito shuka tena nashalel(harjinel) vahti thay love pe  akava procesi.