May baro pucipe kova pe  agorutno vahti  isito ani politikuni numay ini ani publika isito, shay pashola adikeripe vash avrorendune alosaripya.

Opoziciye  dela aktualune kritike ano Raipe,deipe nota  vash ji akanutni decisiya”may skeptikuni”ini mashkaro sah kay penjarla kay shrdingya ini vasne pucipya,sar sito misal kriiripe e  Kosovaka askeriyako.

Ji akana  phiravne  kota Demokrativuni  Kosovaki partiya thay Korkorodecispe(Vetvendosye),Isa Mustafa thay Albin Kurti, informina sine  shaipe e votuipasko vash Raipyuno pakyavipe,numay ini pashe akaleste kay kedinde hrami pe lil,problemi may baro isito kay on na silen nesave vote may buderi vash te resen o suksesi.

Sasavipeya,vash na pakyavipaski vota pedero raipe,isito manglo te kedingyon may hari 61 vota kota sa o sa 120 vote e deputetyngo,koba genla  gendo o Kosovako Raipe.

Phiravno   e partiyako Isa Mustafa janglargya nevi opoziciyaki  iniciyativa vash pelaripe e raipesko Haradinay  thay ano akava konteksti araklola  e Albin Kurteya phiravno kota Vetvendosye,kote deklaringya kay isiton but pashe te pelaren Raipe.

“Uci korupciya,na butikeripe,nepotizam thay duryaripe e manushengo kota Kosova  isito may shukarno  cacipe kay  e thaneske manglape nevo,godorvalo Raipe”, vakergyola ani yek mekli deklaraciya palo akava kedipe.

Driton Selmanay,deklaringya kay phiravno akala partiyako  ka vakerel ini e Shpend Ahmeteya thay ka kharel ini reprezentyen  kota aver partiye kola diklarna  kay isito ano interesi te votuingyol  vash Raipyuno pakyavipe.

Selmanay diklarla kay isiton bare  yaveripya ini andre raipyuni koaliciya thay  ayeka kay sito shayutno kay si gatisaripe te lolpe kotor  ano pelaripe e Raipesko.

Lubimir Aliyu kota o Vetvendosye,vakerla  kay si manglin vash te pelargyol raipe,numay manglape te diklol sar te siguringyon mangle vote.

Numay,ini kosovake analiticarya vakerna kay na si shayutno te pelaren Raipe te sine kay opoziciya na lela phikodeipe kota Srbyuni lista yase raipyuni koaliciya.

Milaim Zeka,kova  pe nakle alosaripya khelgya ani lista  Sociyaldemokrativuni Iniciyativa Fatmir Limay ano intervyu ani televiziya T7 deklaringya kay opoziciya shay te genel  pe olesko avazo”palo chon  septembro”,akale bersheste.

“Kota septembro thay po buderi opoziciya shay te genel moro avazo vash te pelara raipe,numay ji pe  septembro nashti.Feri so na si prioroteti e bukyako vash savore ministrya,poziciya thay opoziciya,kota agorutno raporti  ano Post Telecom e Kosovako.

Ovna sine na klarune neve alosaripya te sine kay na dokumentina koba sakova politikani isito  ji pe krlo ani korupciya Post Telekom Kosovo,a sasavipeya  tahara sine dava vota vash pelaripe e Raipesko,deklaringya Zeka.

Memli Krasnici shefi e grupako kota Demokrativuni Kosovaki Partiya,diklarla kay ano akava raipe na si phardipe vash avrorendune alosaripya. Ov diklarla kay opoziciya na sitoy  gatisarni  vash alosaripya  numay ne oven  po dikhat ano andrune problemya.

Sar  si  pe  agorutne rodlaripya  kota instituti"International Institute For Middle And Balkan Studies",te adikergyona sine akana avrirendune alosaripya vijainla sine Demokrativuni Kosova kota 28,3 procentya e votyengo ,pe duyto  than isito Vetvendosye a pe trito  Demokrativuni Kosovaki partiya e 22,9 procentya e votyengo.

KosovaLive- Violeta Oroshi Berishaj

Radio Romano Avazo  Vera Galush Pacaki