Aktualune Nevipya

Nesave kota o Prizren preferina te nashen kota e Kosova

  • 23/01/2020
  • By Romano Avazo
Share

“ Autobusya  ji kay sine phergyona  e manushenca  kola irangyona sine bukyata ano khera,akana duryargyona vash te arakhen  buti,ayeka deklaringya Afrimi ji kay ajukerla sine autobusi e linyako Prishtina –Zagreb kota Autobuseski Stanica ani Prishtina.

Ji kay phabarla cigara yek pali yek,autobusi e regularuna  linyako Prishtina –Zagreb gatisargyola te shrdel,feri so sine pherdo e manushenca.

Vash Kosovarya kola mangena  te keren buti  avri  thanesta  isito puterdo e nakle bershesta,ayeka kay Kroaciaki Ambasada  ani Prishtina aprovingya buderi desar  bukyaki viza  ji akana.

Sebepi kota buderuno rodlaripe  vash te len drom  ani Kroacia,kompanie kola lelona  e transporteya  mekna regularuni linya shtar ver ano kurko.

“Ji akana kergyum buti ano shuzharipe numay thoibe e vrdyengo,numay akana  java ani Kroacia,vakerla Afrimi vash portal “Front Online”,ji kay refuzingya te iklol angledo kamera.