Presidento  e Kosovako Hashim Thaqi thay srbyuno  presidento  Aleksandar Vuqic,vakerna kay ji akana  na reste ni yek lekanipe  vash sah leipe kotor mashkar duy thana,numay  sar Thaqi ayeka ini Vuqic leparna samatraduno koorijipe.Thaqi insistirinla  kay “gudla” samatradyuna  korekciya shay te reslol ayeka lekanipe,numay angledo nesave dive shefi  srbyuna diplomatiyako Ivica Daqic,deklaringya  kay etnikuni  demakracia  isitoy  yek ofisionaluni ideya e Srbiyaki vash te alosargyol ledeipe e Kosova.Ji kay o Thaqi vakerla  kay eventualuno lekanipe  ka sigurinel Kosovako penjaripe kota biumlavipe  kota Srbyuni rig,Vucic vakerla  kay na si shansa  kay Srbiya  te penjarel Kosovo.

Raipyuni ekipa vash dialog e Srbiya ano Bruksel,vakerla kay ji akana  presidento Thaqi,na  dengya varesavo hramimo  dokumenti  kova shay te konforminel  spekulipe  kay ayeka lekanipe isito resto e srbyune presidentoa, numay sherunoministri Ramush  Haradinay  akuzingya  phiravna  ano Brukselesko dialog Federica Mogherini,kay e kosovake  thay srbyune presidentoa  phiragyola garavdo diyalog. Mogerini mohinga  akuza,numay  yek gendo  e analistyengo thay Kosovake deputetyengo  na achavna akava shaipe.

Ano intervyu vash portal Koha.net, kote pe lungipe e vikendesko raportingya ini  Koha ditore, som jeno e demokrativuna Aleancako Vyosa Osmani vakerla  kay isi yek draft dokumenti,akana isito dakordimo mashkar duy presidentya Thaqi thay Vuqic thay kay adikerla 10,jip e 12 thavdya,thay  kay pe sakova thavd treteringyola principi  pederi baza  pe kolate shay te araklol  yek alosaripe vash  pucipengo suro,mashkar pe kolate isito ini suro e Kosovake  penjariasko kota Srbyuni  rig.

“Diskutina trin opciye…Odova pe kolate insistirina them te phikoinel kosova isito  kay  penjaripe te ovel klaruno,ayeka kay Srbiya te penjarel  Kosovako biumlavipe.Numay sar diklola  isi yek duryaripe kay oy na leparla direktno.Kay e chib te ovel klaruni yase te formulishingyol  penjaripe albanyuni-srbyuni samatrada kova na sito yek  ini Kosovako biumlavipe,yase sar diso aver,vakergya Osmani.

Osmani vakergya  kay uzal yaveripe vash  Kosovako penjaripe kota Srbiya,yek vasno dokumenti  hramimo  ani yek cham,mashkaro sah adikerla Ini  pucipe vash samtraduno koorijipe,stastusi Trepca thay Gazivoda,ekonomikuno pucipe,komunitetyengo hako, iranipe e pronako thay dokumenti, thay vakergya kay res  e negociaka partiako,leipe kotor ini Evropaki Unia,sar mashkarphiravni ano dialog pedero deputeya  ano olengo sombershipe, dena korkoro lekanipe vash votuipe  pe kolate lepargyola suro numay na kapituli kova elaborinla sakoya  tema ano ulavipe,numay sar  ka lelpe pe konsideripe eventualuno lekanipe.

Ani yek intervista kota Koha.net Vyosa Osmani deklaringya kay na sito konsiderimo kay Kosovako penjaripe kota Srbiyuni rig te reslol  prekal  samatraduno yaveripe.

Vasno problemi  isito puteripe e samatradune  pucipesko.Problemi isito may baro  te sine kay akava definishingyola  sar  penjaripe albanyuni-srbyuni samatrada.

Akana na sito yek  shukarno momento  vash Kosovaki Republika,te sigyarel vash te agorinel  na shukrno lekanipe,may shukarno isito te na ovel varesavo leknaipe,yase te reslol ziani lekanipe kova frdela ano pani thay anla ziani savorenge”vakergya Osmani ano intervyu vash Koha.net

Numay,Blerim Shala,sombeshno e ofisesko  vash Presidento Thaqi, ij ani yek intervista vash televiziya T7 deklaringya kay na si nisavo lekanipe mashkar Kosovo thay Srbiya thay kay na sito cacutno  kay eventualuno lekanipe te hramingyol 12.yuno, sar vakergya angledo nesave  dive germanyuni cham Frankfurter Rundshau.Shala  vakergya  kay ka reslol  ji pe samatraduni demakraciya e Srbiya,a  kay demakraciya  lela pe konsideripe  kay ka ovel   samatrada mashkar duy thema.

KosovaLive- Violeta Oroshi Berishaj