E yekha inpozantyuna atmosfera, e truyal shtar mile dikhavnencar ani Prizrenoski sala "Sezair Surroi", palo pherde sarandu ponj bersha, vash i festa e Boshnyakyune divesko, performingya e legenda e balkanyuna muzikako kotar o Uskupi e Makedoniako, e romana orijina , o Muharem Serbezovski.

O Serbezevski , numay e kariyera sar muzicienti, pere anglune bajakya sherdingya sar aktivisti e manushikane hakyango, kote ano 2000-to bersh sine kotor e Bosnake Parlamentesko vash yekh mandati, kote ini sherdingya te jivdinel ani Sarayeva, numay na abokar!

Ov si angluno manush kova palo deshutrin bersha e angazhipesko, irangya o Kur'ani pe romani qhib!

Kana si o lafi e kariyerako sar muzicienti, av sar deshuduy bershuno publikingya poro angluno albumi, kote ini ovela yekh e may popularune solistyengo  ani eks Yugoslaviya.

“ Moro dat sakoya ver phenlay sine te gilavav, vay na numay pe romani qhib, te gilalva ini ano yavera qhibya, vash o sebepi kay o manusha te len kan amaro kobaripe thay mahatnipe ano malipe”, phengya o Serbezeovski vash i Radio Kosova.

Sasavipeya akava qhaqutno ulo ini adive ano Prizreno, kana pe buhlipe e koncertesko e dikhlarne na aqhile bi gilavde bereber e romane gilavneska legenda oleske polularune, bi bistarde gila “Esmeralda", "Za vencanim stolom", "Sine Moj", "Ederlezi", "Sarhosum bu gece"...

Hraminla ; Denis Galushi

Photocredits ; Mustafa Balje