Aktualune Nevipya

O Sheruno r.Abrashi thay som jene e KPF-ake aprovinena o dokumento e Akciyune Planesko vash inkluziya e komuniteteyengo roma

  • 30/01/2019
  • By Romano Avazo
Share
O Sheruno r.Abrashi thay som jene e KPF-ake aprovinena o dokumento e Akciyune Planesko vash inkluziya e komuniteteyengo roma,ashkaliye thay ejiptasya ano Prizren
Ano khedipe e Komitetesko vash Politika thay Finance palo yekh buhlo diskutipe sherunimo kotar o sheruno e KPF-ako thay Komunaluni Kupatna, r. Artan Abrashi, thay pali yekh analiza kotar o som jene akale komuteteske, mashkaro yavere vakeredilo ini vash o thavd e dikhlaripesko thay aprovipesko e lokalune akciyune planesko vash inkluziya e komunitetyengo roma, ashkaliye thay ejiptasya ani Prirenoski Komuna, vash o periodi 2019-2023.
Ano adisuno khedipe, prezentipe e dokumentesko e lokalune akciyune planesko vash inkluziya e komunitetyengo roma, ashkaliye thay ejiptasya ani Prirenoski Komuna, ano nav e Komunitetsko vash Komunitetya kergya o r.Osman Osmani. “ O stratejikuno dokumento dikhlarla te kerolpe buti ano avutne ponj bersha , resipeya ano laqaripe e jivdipesko amare komuniteteyengo ano umalya sar si ; Edukipe, Beshipeske thana thay Khera , Socialuno Shukar Halovipe thay Buti:.
Ulavdi komponenta ano akava dokumento si ini e kulturaki thay informipe okya si but mahatno vash amaro komuniteti, leipe pe dikhipe kay 80% ano Prizreno jivdinla o romano komuniteti thay si te oveleman yekh kotar may sheruno prioriteti pali koponenta e bukyaki re realizjna o obyektive akale umaleske. Amen ini akana simen ani funkciya kola realizingyona ano Radio Romano Avazo, ver verutne publikipya pe romani qhib sar ini kulturune aktiviteteya kola si integraluno kotora vash garavipe e qhibyako tradiciako thay romanao kulturako ano amaro than”, phenya o Osmano.
Angluno komentipe e dokumentesko koya sine ano rendo e divesko kergya o r.Alush Shala, som jeno kotar o politikuno subyeto, PDK.” Me sim lelum kotor ano khedipe kana draftisalo akava dokumento thay manglape saren te aprovina yekehe avazeya akava thav thay ayekha ini te kera shaipe inplementipe akala dokumentesko”, phengya o Shala.
Ano kedipe e KPF, truyal akava thavd aprovipesko e lokalune akciyne planesko vash inkluziya e komunitetyengo roma, ashkaliye thay ejiptasya ani Prirenoski Komuna, vash o periodi 2019-2023 e yekhe unikune avazeya aprovisali kotar akava thavd kotar o sah som jene e KPF-ake reprezentime kotar o politikne subyejtya ; VV-( sheruno e KPF-ako thay Komunaluni Kupatna, r. Artan Abrashi, R.Dafina Alishani), PDK-(r.Alush Shala, R. Dafina Blaca, r. Samir Krasniqi),LDK- r.Xhavit Ukaj, NISMA-Lirije Bytyqi, KDTP-Sergjan Karamuqo thay talosheruni kotar o komunitetya talo KK Prizren thay partiya VAKAT -R.Memuna Ajdini.
Dokumenti koleske si lafi sar si pe sheruno e KK-ko Prizren r.Abrashi ajukergyola te avazingyol thay te aprovingyol ini ano kedipe e kupatnako koya si te adikergyol pe data 31.01.2019.
Radio Romano Avzo 30.01.2019