Pe lungipe 24 oryengo Covid-19 ani Vitia lela jivdipe, e romnake thay romeske, kote juvli merla ji kay olako rom parungyola.

Yek 69 bershuni merla ano momenti kana olako rom, 75 bershuno parungyola ano gav Kabash e Vitiako.

Direktora ano Sheruno Centro e Familiyarune Sastipesko, ani Vitia, Vyosa Kadoli, dengya pe janipe kay sol duy personya sine infektime e Coronavirusea.
Oy vakergya kay rahmetliyako rom yaveringya jivdipe pe rakyune orya, kana meklola khere, kote sine lela ini sastipesko tretmani ani Gilanaki komuna, sar pe 14 septembro.
Numay pe rakyune orya merla ini o rom , kola sol duy sine infektime e Covid-19.

Pe aver rig, pe lungipe 24 agorutne oryengo, Ministria e Sastipeski dengya pe janipe kay isiton hramime 11 meripya thay 259 neve sure e Coronavirusea.