Aktualune Nevipya

Phiravipe e Briseleske diyalogesko-palo achavipe e taksako

  • 03/05/2019
  • By Romano Avazo
Share

Rezultati kota Berlinesko Samiti kote komentinde ,amerikake thay evropake analiticarya  ande nahtari   kay isito yek kota may zoralo mesazhi  pozita e germanyuna kancelaraki Angela Merkel thay franciyako presidento  Emanuel Makro  kay na ka lolpe pe konsideripe varesavo yaveripe e samatradako mashkar Kosovo thay Srbiya,sar anglo ultimatum vash agorutno alosaripe  mashkaro akala duy thana.

Daniel  Server,direktori  e programesko ano Centro vash Studipe  Avancimo vash Mashkarthemutne studipya anglo Univerzteti Jons Hopkins,kova pe angle informingya  vash riziko  e  shayutne konflitesko,deklaringya kay pakyala kay akana ka ovel puterdo  drom  seriozune diskutipasko vash normalizipe  Kosovo –Srbyuno  ledeipe.

Ed Josef, eksperti ano Instituti vash mashkrthemutni politika  deklaringya kay lekanipe isito shayutno.

“Odova so akana shay te jana  isito kay na siyem  ani epoha Mogerini”.Ayeka akana dikha  kay  vash akava koncepti  kova sine  but  phikodendo ano vahti Federika Mogherini numay  phikodendo ini kota Jon Bolton   sombeshno vash  selikano siguripe Yekhune Amerikake Rashtre  resto agor”,deklaringya Josef.

Ini Floiran Biber,direktori  e Centrosko vash studipya komentingya diyalog mashkar Prishtina thay Beograd kova deklaringya kay “si shaipe e lekanipasko  truyal resipesko thay  mamuy na ledipasko”.

Numay,avazdeutno kota germanyuno raipe Stefan Seibert deklaringya  kay ano Berlinesko Samito e Ratorigune  Balkanesko  sikavdili klaruni pozicia e germanyuna kancelaraki Angela Merkel, kay  na ka phikoinel  niyek lekanipe vash koleske shay  te ciden aver thana thay rayoni”.

 

“Talosheruno e parlamenataruna grupako CDU  ano germanyuno parlamenti  Johan Vadefulye ano intervyu vash DW mashkaro  aver deklaringya kay problemi e penjaripasko na alosargyola  prekal yek  dive thay akava niyek na ajukerla”.

“Numay shay te vakergyol  vash ulavde puqipya,vash kultura,garavipe asociyaciya e komunaki.Akana isito vasno  kay  sol duy riga  te vakeren  a  na  te  achon  ano na  manglo  chingaripe  truyal teritoriya. Akala isiton pucipya  aver vasteske. Te sine kay o negocie shrdna akana  e alosaripa kota akala praktikune thay korektyune pucipya  odoya ver  isito shukarno simad. Siguripa, sine vasni iniciyativa Pariz thay Berlin,feri so akana shay te riirangyol palem o diyalog” deklaringya Vadeful.

Ini somjeno vash  germanyuno parlemeni Renata Alt diklarla kay palo Berlinesko Samiti,  ano negociaki truali mes mashkar Kosovo thay Srbiya   na ka oven ideye vash koorijipe e samatradako.

“Sheruno thavd isito kay sistematikuno  sistemi avansingyol procesi e normalizipasko mashkaro Srbiya thay Kosova, vash stabilizipe sah regioni”,deklaringya Alt.

“YAR-tre,gndina vash buhlipe Rusiyako thay Kina ano Balkani,kova zorakergya Srbiya thay Kosovo te len pe konsideripe eventualuno yaveripe  e samatradako sar kotor sah leipe e alosaripasko kola duy thana decisingyona  ano ratoriguno kampi”,vakergyola ano yek artiklo  “Fajnenšl Tajmsa”.

Kay isitoy  ano Balkanesko Samiti”parumi ideya vash korekciya  e samatradaki mashkar Kosovo thay Srbiya”gendinla ini sherunoministri Ramush Haradinay.

Avazdeutni Evriopaka Uniyaki Maya Kociyancic ano  mashkarovahti deklaringya  kay  ano Kosovo-srbyuno diyalog Federika Mogerini gatisarni te organizinel nevo kedipe ano rami e briseleske diyalogesko,numay  kay pe angleder Kosovo shay te suspendinel tarifa ano inporti e srbyune malyengo.

“Pe aver rig,sherunoministri e Kosovako Ramush Haradinay deklaringya  pe lungipe Berlinesko Samiti thay  iranipe ani Prishtina,kay na sile pi godi te suspendinel taksa ano inporti e srbyune malyengo.Isito interesanto kay Presidento e Kosovako Hashim Thaqi, pe agor e Samitesko ano Berlini deklaringya vash mediye kay decisia vash taksa ano srbyuno mali legitimuni thay kay oy  na ka ovel suspendimi.

Pe agor e chonesko yun akale bersheste ka adikergyol  kedipe ano Pariz,pe kolate,sar si informimo ka len kotor  phiravne e kosovake thay srbyune instituciye kote palem ka ovel sheruni tema phiravipe diyalogesko mashkar duy thana.

 

KosovaLive- Violeta Oroshi Berishaj