Pe akaya aktualuni situacia manushesko sastipe isito simad thay primaruno kote amen sar politikuno spektari manglape te ovelamen uniteti thay kethane te marape yeke dushmanea kova lela manushesko jivdipe thay kova janglardilo sar pandemia Coronavirus, sasavipeya Corona19.

Akana o dizune irande pere akya kotar amen sar olenge lejitimune muyale, nasinelen niyekh azhutipe kotar amare institucie, on silen zori sar: na silen habe, higienake sheya, maske vash brakhipe thay vastalina mukipeya olen e Devleske vaste thay e naturaka Dake.

Jikay amen sar muyale ani buti simey nazorale spektatorya vash te iklova ano azhutipe.

Avdive bizo amaro mangipe e parlamentaruni grupa 6 plus kedisalam ani akaya plenaruni seanca vash napakyavipaski mocia mamuy o raipe, kote amen sar parlamenturine grupa siyem andar o anglune manusha kola dengyam pakyavipe vash te gatisara o raipe, kay so po sig te kriiringyon o demokratikune institucie respektipa o dizutnengo vullneto thay ayekha da ulo. Amare phikodeipa kririsalo o raipe e 64 votencar.

Numay akana siyam ani yekh situacia thay yekh truyalipe sah aver. Seske o sheruno aleati e raipaska kualiciako vash o publikune sepebya kola si janglarde vash o opinioni, ano simadi e na pakyavipasko vazdisalo e mocia koya si phikodendi ini kotar e opozicia. Manga te potencina kay ani akaya situacia amaro roli sar parlamentaruni grupa 6 plus thay sar partneri e koaliciako si harnimi.

Amen sar grupa 6 plus siyam pro adikaripe akala seancako koya siola baza 44 hramya e deputetenge, siyam obligime vash respektipe e Kosovaka thamardinako. Gndina kay amari vota ani akaya mocia e napakyavipaski na si te ovelola pharipe vay kotorleutni vash o pelaripe e raipasko te sine kay la pe dikhipe o vullneto e baro gendosko ano parlamenti kola phikodena akaya mocia.

Akalestar, vi amen ayekha yek deciziya siyam te la.
Oven saste!