Aktualune Nevipya

Prokurora koya phangya suro e droga rodlarla suro e shefeske chavesko kota AKI

  • 24/10/2018
  • By Romano Avazo
Share

Prokurora e Themelipaske Prokuroripasko ani Prishtina, Arbëresha Shala-Raqa,isitoy ulavdi te rodlarel suro  vash shefesko chavo kota AKI,Shpend Majuni,kova naklo kurko astargyola kota Kosovaki  Policia arma bizo identifikipe  vash  vrda thay narkotikuna supstanca.

Ano  aprilo akale  bersheste raportingyola kay yekuni prokurora phangya  suro vash “Narkotin” kota shefesko chavo olako kolega prokurori,hraminla gazeta "Zëri".

Themelipaski Prokuroria ani Prishtina marte dive ulagya prokura Arëbresha Shala-Raqa te rodlarel suro  vash Shpëtim thay Rinor Majuni,kola pe rakyune orya 12-to oktobro akale bersheste astargyona kota Kosovaki  policia e arma bizo identifikipe e narkotikuna  substancako  ani vrda,koya sine e Enver Majuni, dat e sherunesko kota Agencia e Kosovaki vash Inteligencia (AKI),Shpend Majuni.

Ayeka dela  pe  janibe  yaverunoprokuroriv  e Themelune Prokuroripasko  ani Prishtina,Ibrahim  Berisha,kova vakergya kay krisipasko  nevipe pedero   Shpëtim Majuni thay Rinor Majuni resto ani Prokuroria oe 10 oktobro 2018-to bersh.