Aktualune Nevipya

Pucipe e nashavutnengo(reheni) vash na theripe e politikune mangipesko

  • 02/11/2018
  • By Romano Avazo
Share

Ijune diveste, sheruno e Kosovaka Komisiako vash nashalde manusha, Prenk Jetay, vakergya kay amalipe e nashalde Persoynengo ani Kosova ka len 25 mile eurya, kova sherunomistri e Kosovako Ramush Haradinay dengya lafi, sar phikodeipe e Raipesko, ano Masharthemutno dive e nashalde manushengo, kova sakova bersh hramingyola pe 30-to avgusto. Pe aver rig, somgodorno e Ramush Haridinay vash nashalde manusha, Yahya Luka vakergya kay 5 novembro ano Hag, kote pashe Kosovaka Komisiak e vash nashalde manusha te oven prezentune thay odola kota sa regioni, te ovel o hrami pe lil Operacionaluno plan i vash dudyaripe e nashalde kismetesko, kova isito phikodendo e Mashkarutna komisiako vash nashalde manusha.

“17-to thay 18-to novembro ka ovelamen yek Buterni(radionica) ano Sarayevo vash Kris vash nashalde manusha. Ka phirava diskusia kay familiye te ovelolen numay te len penziya, a amen ka kera yeke draftea e Rezulucia kolake ka bichala e kompentune manushenge, ayeka kay familiya e nashalde manushenge te ovelolen financiaruno phikodeipe” vakergya Luka. Luka vakergya kay Srbiya janla kote araklona trupya e mule Albanyune manushenge, feri so sar si pe leste, sa kerdilo “planeya” “Kerdilo buti ani skica thay janena kote araklona amare manusha. Te sine kay on mangna te ovelolen kooperacia, amen korkore ka arakha olen.Amen sarsakana roda te putergyol arhiva”, vakergya Luka. Numay, angledo yek kurko Velko Odalovic, Bukyako reprezenti e grupako ani Srbiya vash nashalde manusha palo kedipe e Kosovaka delegacia, Srbiya thay Mashkrtemutno lolo trosh ano Beograd, vakergya kay familiye e nashalde manushengi dogripa na siton calarne thay kay Prishtina rodela te araklon an i arhiva koya araklola ani srbiya, numay pe yek vahti te rodingyol ini ani Prishtina.

Pe akava kedipe ano Beograd, Butikeripaski grupa vash nashalde manusha inplementinde procedura vash mekhipe e arakle mulenengo indetifikime personengo, kola phiragyona sar nashalde pe lungipe e marebasko ani Koosva, thay olenga familiyake kolenge ka meklol. Febiyen Burdie kova phiragya delegacia Mashkarthemute lole troshesko vakergya kay ano 2018-to bersh andilo decesipe e efta surenca kota nashalde manusha, thay Arsim Grjaliyu , kota Butikerutni grupa vash nashalde manusha dakordingyola kay gendo e indetifikime manushengo isito but tikno thay kay pe shrd e bershesko ani kosova puterde isiton ponj lokacie,a ano regioni e Jakovoka araklile ponj mule persoyna. “Ajukera ani analiza DNK kota Mashkrthemutno komiteti vash nashalde manusha, kova akana isito yaverimo ano Hag”, vakergya Grjaliyu thay kay rodlardilo ano lokacie ano regioni Poduyeva, Gracanica, Kacanik, thay Srbica, numay ji akana na sine rezultatya.

KosovaLive – Violeta Oroshi Berishaj