Uncategorized

Putergyola o Ternengo Kulturuno Centro

  • 12/06/2021
  • By Romano Avazo
Share

Avdive mashkari Yuneske festengi agenda festisalo vi o puteripe e Ternengo Kulturuno Centrosko.

Ano puteripe lele kotor: Sheruno e Prizreneska Komunako – Prof. Dr. Mytaher Haskuka, Taloministri e Kulturako, Ternengo thay Sporti – Sejnur Veshall, Direktori e Kulturako, Ternengo thay Sporti – Arhim Ajazi thay o sheruno thay reprezentya kotar o amateryune teatrya e Prizrenoska Komunake.


Ano akava centro ka organizingyon buderune kulturune aktivitetya thay ka vastingyol sar than kote o amateryune teatarya shay ka keren pere prove thay gatiseripya vash o drame.

“Kulturuno Centro ka pherel o rodlaripya e amateryune grupengo thay e kulturune organizaciengo feriso ano Kulturako Kher “Xhemajli Berisha” ovenay but aktivitetya thay nasine yekh rendipe e aktivitetyengo, sah e Komunake aktivitetya nashti reslonay te realizingyon ekya.”, phegya o rayo Haskuka.


Ano akava puteripe lela kotor vi o Sejnur Veshall, taloministri e Kulturako, Ternengo thay Sporti kotar e LPRK partia. Ov phengya kay: e kulturaki diz o Prizreno korkoro afirmingya piri kosovaryuni kultura thay e kulturuni diplomacia koya promovinla ani lumia deinindoy yekh than vash o amateryune teatarya kote shay te promovinen pere kulturune moldipya sar e qhib, kultura thay tradicia.


“Amen, sar Ministria e Kulturaki ka ovelmen yekh khetano butikeripe e Prizrenoska komuna kay akava obyekti ten a aqhol bizo kulturune ovipya thay aktivitetya kola promovinena e teatrenge kualitativune moldipya” phenla o rayo Veshall.” Phengya o Veshall.


A o Direktori e Kulturako, Ternengo thay Sportesko e Prizrenoska Komunako, Avni Ajazi phengya kay akava Ternengo Kulturuno Centro si te menajingyol kotar o albanyuno, romano, turkyuno amateryune teatarya, kote pere prove shay te phiraven bi problemesko.


“Akale centrosko koboripe si 66 mile euro, thay ano duyto faza planifikingyona kay pandar 20 mile euro te vastingyon vash o rekuizitya, kompyuterya thay aver sheye.”, phenla o Ajazi.


E centro sile yekh skena e kapaciteteya ji 50 spektatorya, duy livne vash gardaroba thay duy livne vash o tekstualune prove.