E taksa koya sine ano krisi vash e Serbiake thay e Bosna Hercegovinake produktya vay sheya yaverisali ano gradualno disponipe e receprocitetesko vash o kinbikinibe.

E deciya si te adikergyol ji pe data 15’to Baredivay (06.15.2020) kote si te ovel e rezultatesko genipe.

Akaya deciziya ji akana sila ini laqe alavya ini bare kritike.

E Amerikaki ambasada ani Pristina si mamuy akala deciziyake kote phenlla kay shay te kedikarel thay te harnikerel e Kosovaki Ekonomia.

Vi ayekha akaya deciziya vash e reciprociteteske mase ka anen problemya vi kana ka avel o vahti vash yekh suksesuno dialogi.

Ano akava godinipe lela kotor vi o Emisari e Amerikake Presentesko, vash o dialogi Kosova-Serbia, o Richard Grenell.

Ov mashkar o Twiter phenella “E Amerika sinelen but klaro kay e Kosva si musay te cidel e taksa bizo reciprociteteske masa, thay ma te kriingyon neve barrier kote shay harnikerna e Kosovaki Ekonomikuni politika. Siyam mamuy e reciprociteteske!”