Aktualune Nevipya

Sar penjarela o molipen ani Kosova samiti e Berlinesko

  • 02/05/2019
  • By Romano Avazo
Share

Kosova na pakyala sasavipeya Evropaka Uniyake vash dialog e Srbiya,rodela sah leipe kotor  kota Amerikake Yekhune Rashtre ano procesi.Vash Kosovako presidento,dendi perspektiva kota Evropaki Uniya vash Kosova isitoy korkori yek “fraza”numay na diso konkretno.

Duy may uce Kosovake  phiravne kola lele kotor ano kedipe  ano Berlin,presidento  Hashim Thaqi,thay sherunoministri Ramush Haradinay,na diklona sine but calarne kota kedipe thay odova so reslilo ano samiti e Berlinesko vash Ratoriguno Balkani,kova adikerdilo talo dogripe e germanyuna kancelarako,Angela Merkel thay Franciyako presidento,Emmanuel Macron.

Sol duy kosovake phiravne vakerde kay pana na si yek evropako uniteti thay konkretyuno ovipe vash Ratoriguno Balkani.Yek  laco kotor e vahtesko pe lungipe e diskutipasko ano Berlin lela suro e dialogesko Kosovo-Srbiya,kote kota konkluze e Samitesko vakerdilo kay Kosova thay Srbiya dakordisale vash phiravipe e dialogesko,numay Kosovata rodinde te cidel taksa pedero srbyuno mali.Kosovako presidento  Hashim Thaqi, vakergya kay “Srbiyaki res isitoy kay ani nurduni Kosova te formiringyol  yek asociacia,kova  sito miazutno e modelea  e Srbyuna Republika”.