Aktualune Nevipya

Sejnur Veshall iklola te votuinel

  • 17/10/2021
  • By Romano Avazo
Share

Radio “Romano Avazo” pe taharakoske orya intervistingya e LPRK-eska listake sherune, e r. Sejnur Veshall ani Teknikaki Mashkarutni Skola “11 marto”.

Palo lesko votuipe amen reslam te la yekh intervistipe e r. Veshallestar kova yekhe dromea akharela o posti e Taloministresko ani Ministria vash e Kultura, Terne thay Sporti.

“Palo yekh qhon e kampanyako alo o vahti kay amen te decizina amare jenen kola ka oven o avazo e romane komuniteteske ani Asamblea e Prizrenoska Komunaki. Akava si but mahatno feriso akaleya amen mothava kay siyem kotor e procesyengo thay leipe deciziye ano komunalune politike.”, phenla o sheruno e listako kotar LPRK.

Ov phenla kay manglape te da amari vota thay alosara kay yekh jeno te reprezentinelamen ano komunako niveli.

“Sitov but semno kay o romano komuniteti te iklon te votuinen thay te oven kotor e jenencar kola ka phirakaren olenge mangipya thay politike ani Prizrenoski Komuna.”, phenla o Veshall.

Veshall phenlla kay e lokalune alosaripyendar 2021 ajukargyola te iklolpe yekh baro gendo demografikuno e romane komunitetesko thay partia LPRK te ovel kotor e asambleako.

“Sar si e analiza ano tereni, simen yekh baro gendo kola lele kotor ano amare kampanye kola phikoinde thay si amencar ano ledeipe mangipeya kay sa odola roma ka iklon te votuinen.”, sine agorune alava e Sejnureske.