Avazdeutno  vash Centraluni Alosaripaski Komisiya Valmir Elyezi vash agenciya Kosovapress deklaringya kay ji  pe   agor nakle kurkoste ni yek politikuni partiya,dizuni iniciyativa,yase individi na aplikinde vash kotor leipe ano anglovahtyuno alosaripe ano shtar komune  kota buderune srbya,kova ka adikergyol 19.mayo akale bersheste.

Agorutni data  yase rok vash aplikipe ano kotor leipe  pe avrorenduno  alosaripe  agorinla pe 18 aprilo ani pashi rat,a anglodiklardo isito kay nota kota politikune subyektya  te dogringyol 22.aprilea.thay 28.aprilea te ulagyol rendo  ano  votuipaske patreyna.

Kana isito lafi vash monitoripe  akale alosaripasko,akreditime organizaciye ka ovelolen  shaipe  te aplikinen ji  pe   12 mayo,thay anavipe e komunaluna komisiako te agorinel pe 15 mayo.

Numay,alosaipaski kampanja ka adikergyol trin dive,kota 13,ji  pe  17.mayo.

Valmira Selmani koya isila obligipe  ano Ofisi  vash registripe thay sertifikipe politikune partiye deklaringya  kay ano akala avri rendune alosaripya ani kosova hako e votuipasko ka ovelolen 1,507 vote leipe pe dikhipe ano lokalune alosaripya kola sine adikerde ano oktobro 2017,yase 58,529  dizune.

Palo kharipe kota amerikaki ambasada ani Prishtina presidento e Kosovako Hashim Thaqi, palo ponj chona kova achilo pale anavingya ohto somjene Centraluna Alosaripaski Komisiya,feri so giricingya mandati ex som jenengo ani Komisiya,sebepi  kay akava alosaripasko trupo sine sasavipeya na funksionaluno.

Angledo duy kurke planifikingya  ini adikeripe anglovahtyune alosaripya vash  sherune e komunake Nurduni Mitrovica,Zubin Potok,Leposavic,thay Zvecane.

Duy may bare opozicione partiye,chonenca insistirinde kay Kosovako presidento  Hashim Thaqi, te anavinel som jene e Centraluna Alosaripaski Komisia.

Driton Selmani,vash RTV 21 deklaringya kay achola  pale kota o  procesi  vash  ulavipe e alosaripaske ano shtar komune kota buderune  srbye.

“Gndinava kay achilo pale(procesi),numay sasavipeya isito vasno,feri so  nay tromal te mekha baro kotor e kosovaka teritoriako bizo kontrola,kota e politika, kota centroski rig,kota themutne Kosovake instituciye,feri so on  pe akava kotor dogrina lovea Kosovako raipe,vakergya Selmanay.

Ini Albulena Hajiu,vash RTV 21 deklaringya kay alosaripasko procesi isito krisyuno,numay na ini achavipe kota ponj chona,kana  sherune kota shtar komune  e buderi srbyenca cidinde vast.

Palo konsultipe e srbyune presidentea Aleksandar Vuciq,Srbyuni Lista ka iklol pe akala alosaripya a ex sheruno e Nurduna Mitrovicako Goran Rakiq,pale vakergya kay sheruno sebepi e kharipaski akale alosaripasko te angloachagyol res kay “nesave Albanya yase kota Srbyuno komuniteti”te lel raipe,numay ini prishtinaki res thay mashkarthemutno kethanipe”te aneksirinel  nurduno kotor  e Kosovaka Mitrovicako”.

Sasavipeya  ini Igor Simic, vash srbyuni televiziya “Pink”,deklaringya kay ovla sine “katastrofa” resipe e nesavengo pe cekat e shtar komunengo ani  Kosova,numay te ovel alosardo dayek kota akaya partiya yase  kova na sito direktipa phando vash Srbyuno them,deipe  e notako kay akava sine ovla zordipe e achavipasko mashkar Beograd thay Srbya ani Kosova.

Numay,reprezentya  kota srbyuni opozicia kota Kosova lele iniciativa vash themelipe”Aleanca vash Kosovo thay Metohiya”,po diklardi “Aleanca vash Srbiya”,thay deklarinde kay na ka len kotor ano anglovahtyune alosaripe kola siton diklarde vash 19 may.

Pe aver rig,kosovako sheruno Ramush Haradinay,khargya savore dizune te khargyon ano avrirendune alosaripya vash sherune,kova ka adikergyol pe 19.mayo ano shtar komune ani Kosova,numay britaniyako ambasadori ani Koosva RuariO’Konel deklaringya kay mashkarselikano kethanipe  ka dikhel,ulavde problemya leipe pe dikhipe pe lungipe,kota pe anglune procesya.

“Nay tromal te dengyol dar e kandidateske,manusha  nay nashalna buti te sine kay na votuina,feri so odova na ovla sine  dogruno thay tromalo alosaripe”,vakergya  O’Konel ano intervyu vash RTK2.

Sherune kota shtar komune ani Kosova cidinde vast ano pere funksiye ano novembro  nakle bersheste,a sar sheruno sebepi deklarinde olengo khuvipe ano  decisipasko zoralipe  e kosovake raipesko  e tarifako vash inporti e  srbyune malyengo ani masa kota 100 procentya.

KosovaLive - Violeta Oroshi Berishaj